Apple янги MacBook Pro ноутбукларини тақдим этди (видео)

Apple компанияси 18 октябрь куни янги гаджетларига бағишланган кузги иккинчи тақдимотини ўтказди. Унда учинчи авлод симсиз AirPods наушниклари, янги MacBook Pro ноутбуги ва процессорлари тақдим этилди, деб хабар беради «Korrespondent.net».

AirPods 3

Аккумулятор ёрдамида ишлайдиган наушникларнинг автономлиги 6 соатга қадар етказилган. Ихтирочиларнинг ваъда қилишича, ушбу наушниклар футляри ёрдамида қувватлантириб борилса, унинг ёрдамида 30 соатгача мусиқа тинглаш мумкин. Нархи — 179 доллар. Шу билан бирга, эски AirPods’ларни олдингидек харид қилиш мумкин бўлади.

MacBook Pro

Ноутбук дисплейининг ҳошия қисми 3,5 миллиметрга қадар қисқарган, блоки худди iPhone смартфонларидаги каби «қош» қисмига жойлаштирилган. HDMI, Thunderbolt’ли Type-C портларининг қайтарилиши, CD-карта учун слот ва MagSafe кутилмаган янгиликка айланди. Шунингдек, чап томонидан яна иккита Type-C порти ва наушниклар учун 3,5 миллиметрли разъёми ўрин олган.

Ноутбуклар 14 ва 16 дюймли экранлар билан тақдим этилади, тасвир янгиланиш частотаси 120 герцга тенг. Экранларнинг стандарт ёрқинлиги 1000 нит, максимали — 1600 нит. Камера сифати икки баробар оширилган.

Гаджетлар алюминий корпус, иккита кулер асосидаги янги совитиш тизими ва анча тезкор CCD’га эга бўлган. Кичик версиянинг автономлиги 10 соат видео томоша қилиш, каттасини эса 17 соатга етади.

Янги процессорлар

MacBook Pro янги M1 Pro процессорлари асосида ясалган бўлиб, уларнинг унумдорлиги М1’дан 70 фоизга юқори. Бироқ буюртма учун янада унумдорроқ М1 Мах варианти ҳам тақдим этилади.

M1 Pro’да 10 та ядро мавжуд, жумладан, унинг 8 таси юқори самарадор ва 2 таси энергия самарадор ҳисобланади, графикасига 16 ядроли тезлаштиргич жавоб беради. Процессор 32 гигабайтли бирлашган хотира ёрдамида қўллаб-қувватланади. Чип оддий графика бораси М1’дан икки баробар, самарадорлик бўйича уч баробар кучли бўлиб чиқди.

Мi Мах версияси янада яхшиланган вариант ҳисобланади — у 32 ядроли GPU’дан иборат, максимал бирлашган хотираси 64 гигабайтгача оширилган. Компаниядагиларнинг таъкидлашича, бу ноутбуклар учун мўлжалланган дунёдаги энг кучли процессордир.

14 дюймли экранга эга янги MacBook нархи 1999 доллардан, 16 дюймлиси 2499 доллардан бошланади. Янги гаджетларнинг барчасини кейинги ҳафтадан бошлаб харид қилиш мумкин бўлади.