Топқир офтальмолог янги iPhone 13 Pro Max’нинг макро суратга олиш режимидан кўз касалликларига ташхис қўйишда фойдаланиб кўрди, деб хабар беради Hi-Tech.Mail.ru.
Linkedln ижтимоий тармоғида Томми Корн исмли америкалик шифокор янги iPhone 13 Pro Max’дан қандай қилиб беморнинг кўриш қобилиятини текширганини сўзлаб берди. У муваффақиятли натижадан ҳайратга тушганини айтиб, эндиликда «инновацияни кўзларни парваришлаш соҳасига жорий этиш» ниятида эканини таъкидлаган.
Шифокор макросуратга олиш режими ёрдамида ҳар бир қабул давомида бемор кўзининг майда деталларига қадар тасвирга олган ва у орқали даволаниш жараёнини кузатган — беморга аввалроқ мугуз парда кўчириб ўтказилган бўлган.
iPhone’даги макросуратга олиш режими қандай ишлайди?
Apple’нинг янги смартфонлар сериясидаги Pro-моделларга катталаштирилган диафрагмали, (ƒ/1.8) ўта кенг бурчакли камера ўрнатилган. Объективнинг янги конструкцияси, автофокус функцияси (iPhone’нинг ўта кенг бурчакли камераларида биринчи бор) ва илғор дастурий таъминот буюмларнинг йирик пландаги тиниқ суратларини олиш имконини беради. Минимал масофа — 2 сантиметр.
Аввалроқ «Смартфонлар орасидаги энг яхши дисплей» номига iPhone 13 Pro Max сазовор бўлгани тўғрисида хабар берилганди.
Изоҳ (0)