Футбол бўйича Испания Ла Лигасининг 9-турида «Барселона» 17 октябрь, якшанба куни «Валенсия»ни қабул қилди.
Учрашувнинг 5-дақиқасида меҳмонлар Хосе Гайянинг голидан кейин олдинга ўтиб олди. 13-дақиқада Ансу Фати мувозанатни тиклаган бўлса, биринчи бўлим якунланиши арафасида Мемфис Депай пенальтини голга айлантирди. Иккинчи бўлимнинг сўнгги дақиқаларида Филиппе Коутиньо якуний ҳисобни ўрнатди — 3:1.
Ушбу ғалабадан кейин «Барселона» очколарини 15 тага етказиб олди ва 7-ўринга кўтарилди. «Валенсия» (12) 9-поғонага тушиб кетди.
«Севилья» сафарда «Сельта»ни минимал ҳисобда енгди. «Вильярреал» эса «Осасуна»га ютқазиб қўйди.
Топ-5 лигалар онлайн жадваллари, ўйинлар тақвими, тўпурарлар рўйхати — кўриш.
Ла Лига
9-тур баҳслари
18 октябрь, якшанба
«Барселона» — «Валенсия» 3:1
Голлар: 0:1 – 5 Гайя, 1:1 – 13 Фати, 2:1 – 41, пенальти Депай, 3:1 – 85 Коутиньо.«Барселона»: тер Штеген, Серхи Роберто (Мингеса, 71), Пике, Эрик Гарсия, Альба, Бускетс, де Йонг, Гави (Нико Гонсалес, 71), Дест (Агуэро, 87), Депай, Фати (Коутиньо, 59).
«Валенсия»: Силлессен, Фулке (Муса, 75), Габриэль Паулиста, Диакаби, Гайя, Гилямон (Элдер Кошта, 86), Гедеш (Черишев, 75), Васс, Солер, Дуро (Маркос Андре, 59), Макси Гомес (Вальехо, 86).
Огоҳлантиришлар: Гави (20), Бускетс (32), Гайя (39), Фулке (63), Макси Гомес (82).
Изоҳ (0)