Оширма хамирдан тайёрланадиган юракча шаклидаги булочкалар

Мазали ва тўйимли ширинлик билан нафақат кундалик, балки байрам дастурхонини ҳам безасангиз бўлади.

Керакли маҳсулотлар:

• тухум — 2 дона;
• шакар — 200 г;
• ўсимлик ёғи — 5 ош қошиқ;
• туз — 0,5 қошиқ;
• ванилин экстракти — 1 чой қошиқ;
• сут — 300 мл;
• хамиртуруш — 2 чой қошиқ;
• ун — 550 г;
• сариёғ — 100 г;
• тухум сариғи — 1 дона.

1. 4 чой қошиқ шакар қўшилган тухумга, ўсимлик ёғи, туз ва ванилин солиб яхшилаб аралаштиринг.
2. 300 мл иситилган сут ва хамиртуруш қўшинг.
3. Кам-камдан ун қўшинг.
4. Юмшоқ хамир қоринг.
5. Устини плёнка билан ёпиб илиқ жойга 2 соатга қўйинг.
6. Сариёғни эритинг.
7. Бир қошиқ сут қўшилган тухум оқини санчқи билан аралаштиринг.
8. Ҳажми ошганидан кейин хамирини 12 та бир хил бўлакка бўлинг. Ҳар бирини 3-4 миллиметр қалинликда ёйинг.
9. Сариёғ суртиб шакар сепгандан кейин рулет шаклида ўранг.
10. Ўртасидан бўлинг ва четларини бирлаштириб юракча шаклига келтиринг.
11. Ўртасидан пичоқ билан тилиб чиқинг.
12. 180 даража қизиган печда 15-20 дақиқа давомида пишириб олинг.