Ушбу янги рецепт мазали бўлиши билан бирга, витаминларга ҳам бойдир.
Керакли маҳсулотлар:
- қуритилган ўрик – 50-80 грамм;
- майиз – 40 грамм;
- гуруч – 100 грамм;
- шакар – 1/2- 2 ош қошиқ;
- сариёғ – 40 грамм;
- қовоқ – 1 дона;
- сув – 150 мл;
- сут – 250 мл;
- туз.
- Майиз ва қуритилган ўрик 10-15 дақиқага сувга бўктирилади.
- Гуруч тахминан 10 дақиқа давомида чала пишгунига қадар қайнатилади. Сўнгра ивитилган мевалар, туз, шакар ва юмшатилган сариёғ билан аралаштирилади.
- Қовоқнинг юқори қисми кесиб олинади. Ичидан уруғ ва гўштли қисми олиб ташланади ва сариёғ суртилади.
- Гуручли аралашма қовоқ ичига солинади ва устидан иссиқ сув ҳамда сут қуйилади, аралаштирилиб, қовоқнинг юқори қисми ёпилади.
- Таом тахминан печда 1 соат давомида 180 даражада пиширилади.
Изоҳ (0)