Кавказча қовоқли пирог рецепти

Кавказ ошхонасининг машҳур қовоқли пироги такрорланмас таъмга эга. Албатта, тайёрлаб кўришни тавсия қиламиз.

Керакли маҳсулотлар:

Хамир учун:

• хамиртуруш – 20 грамм;
• сув – 500 мл;
• шакар – 1 ош қошиқ;
• ун – 800 грамм;
• туз – 2 ош қошиқ;
• ўсимлик мойи – 3 ош қошиқ;

• қовоқ – 1200 грамм;
• пиёз – 2 дона;
• ўсимлик ёғи – 3 ош қошиқ;
• туз – 1 ош қошиқ;
• шакар – 1-2 ош қошиқ;
• қуритилган тимян – 1 ош қошиқ;
• сариёғ – 50 грамм.

1. Хамиртуруш илиқ сувда эритилади, шакар қўшиб, аралаштирилади. Аралашма илиқ жойда 10-15 дақиқага қолдирилади.
2. Ун, туз, хамиртурушли аралашма, ёғ ва сув бир идишга солинади. Юмшоқ хамир қорилади.
3. Хамир усти ўралиб, 1-2 соатга илиқ жойга қўйилади.
4. Қовоқ тозаланиб, қирғичдан ўтказилади. Пиёз майда тўғралади.
5. Пиёз қиздирилган  ўсимлик ёғида 5-6 дақиқа давомида паст оловда қизаргунча қовурилади.
6. Қовоққа пиёз, туз, шакар ва тимян қўшилади.
7. Хамир икки баробарга кўпайганда тенг уч қисмга бўлинади.
8. Ҳар бир бўлак думалоқ шаклга келтирилиб, яна 15 дақиқага қолдирилади.
9. Печ аввалдан 220 даражага қиздирилади.
10. Хамирнинг бир бўлаги думалоқ шаклда ёйилади. Ичига «начинка» солиб, хамир чети юқорига қарата йиғилади ва қаттиқ чимчиланади.
11. Сўнгра хамир тескарисига эҳтиёткорлик билан ўгрилади ва пирогнинг марказида тешикча ҳосил қилинади.
12. Қолган икки хамир ҳам шу тарзда тайёрланади.
13. Печга 15-20 дақиқага қўйилади, юзаси қизаргунга қадар пиширилади. Тайёр бўлгач сариёғ суртилади.