Россиялик қўшиқчи Земфира коронавирус пандемияси сабаб харажатлар ортгани ва томошабинлар сони камлиги учун онлайн концертларда чиқиш қилишни истамаяпти. Бу ҳақда у ўзининг «ВКонтакте»даги саҳифаси орқали маълум қилди, деб ёзади Esquire.
«Онлайн концерт беришимни истаётганлар — жаноблар, бу ниманинг ҳисобига? (майдонча/овоз/чироқ/репетиция — барчасини мен тўлайман). Пандемия барчага зарар етказди, аммо менинг касбимни бутунлай яксон қилди. Тўғрисини тан олиш керак, бошқа ҳеч нарсани хоҳламайман — концертларни ҳам, бошқа нарсаларни ҳам.
Йўқотилган чипталар йўқотилган касб олдида ҳеч нарса эмас», — деб ёзади қўшиқчи.
Унинг сўзларига кўра, 2020 йилда режалаштирилган саккиз-тўққизта фестивалнинг фақатгина иккитасида чиқиш қилган. Шу билан бирга, у 2,5 ой давомида ҳар куни тайёргарлик кўрган. 2021 йилда ҳам у узоқ ишлаган ва концерт беришига умид қилган, аммо «концертлар нол».
Земфиранинг айтишича, у қўшиқлар ёзишда давом этади, аммо «иккита онгли ва 20 та қароқчи учун онлайн концерт» беришга тайёр эмас, чунки «қуруқ югур-югурдан» чарчаган.
«Концертларга мен бошқа ишонмайман. Илтимос, эмланинглар, жин урсин!», — дейди Земфира.
Изоҳ (0)