Хитой ташқи ишлар вазири ўринбосари Лэ Юйчэннинг фикрича, Австралия, Буюк Британия ва АҚШ ўртасида тузилган AUKUS альянси — мудофаа бўйича уч томонлама ҳамкорлик совуқ урушни қўзғатишга қаратилган. Бу ҳақда вазирлик веб-сайтида эълон қилинган.
Вазирнинг сўзларига кўра, ушбу ҳамкорлик ядро қуролларини тарқатмаслик тўғрисидаги шартнома қоидаларини бузади ва Тинч океани минтақасида ядровий ҳалокат хавфини туғдиради. Унинг таъкидлашича, бу Жануби-шарқий Осиёда ядро қуролидан холи зонани яратиш борасидаги ютуқларга путур етказади.
«Агар тегишли чоралар кўрилмаса, бу ядровий ҳалокатга олиб келиши мумкин. АҚШ ва Буюк Британия бир томондан бошқа давлатларни уранни бойитиш технологиясини ишлаб чиқишдан қайтариш учун ўз санкцияларини қўлламоқда. Аммо бошқа томондан, улар очиқдан очиқ Австралияни ядровий сувости кемалари билан жиҳозламоқда. Улар минтақада қуролланиш пойгасини ўт олдирмоқда, ҳарбий хавфни ошириб, минтақавий тинчлик ва барқарорликка путур етказмоқда. Хитой AUKUS’га кескин қарши», — дейилади хабарда.
Юйчен бир неча кун олдин Жанубий Хитой денгизида содир бўлган воқеани эслади. У ерда Американинг атом сувости кемаси номаълум объект билан тўқнашиб кетганди. Сиёсатчининг фикрича, бу ҳодиса ўзига хос огоҳлантирувчи сигнал. Америка сувости кемалари кўпинча Жанубий Хитой денгизига киради, бу эса келажакда радиоактив моддалар оқишига олиб келиши мумкин.
Изоҳ (0)