Тошкент йўлларда июль ойида ЙПХ ходимлари кўз ўнгида уларга қарама-қарши ҳаракатланиб, қўпол қоидабузарлик содир қилган автомобиллар акс этган видеолар тарқалганди. ЙҲХББ хабар беришича, ушбу қоидабузарликларни содир этган шахслар орадан 3 ой ўтиб топилган.
Қўпол қоидабузарликлар содир этиб, уни ижтимоий тармоққа жойлаганлар 6 нафар 17—18 ёшли шахслар экани аниқланган. Уларнинг аксарияти ота-онасининг автомобилини бошқариб, йўлларда ҳаракатланган.
«Хато биздан — ота-оналардан ўтган. Ўша ҳодисадан кейин машина жарима майдончасига олиб кетилди. Ҳозир энди ‘правага’ ўқияпти», — дейди қоидабузарлардан бирининг онаси.
Яна бир ҳолатда бошқа бир ҳайдовчи ЙПХ ходимлари турган йўлда қарама-қарши йўналишда ҳаракатланиб, ушбу жараённи видеога олиб, TikTok’ка жойлаган. Ҳайдовчининг таъкидлашича, бу ҳаракатларни Instagram’да кўриб ўрганган.
Шунингдек, айни шу ҳайдовчи бошқа куни машина тезлигини 200 километр/соатдан ошириб ҳайдаган. У радар ва ЙПХ ходимларини чалғитиш учун автомобиль рақамини мато билан беркитиб олган.
Аниқланишича, ушбу қоидабузарликларни 17 ёшли шахс содир этгани аниқланган. Бу вояга етмаган шахс ҳам бошқалари каби ота-онасининг автомобилини ҳайдаган.
Қоидабузарлар Тошкент шаҳар ИИББга олиб келинган. Юқоридаги ҳолатларда иштирок этган барча автомобиллар жарима майдончасига жойлаштирилган. Қоида бузган ҳайдовчилар ва жараёнларни тасвирга олиб, ижтимоий тармоққа жойлаган шахсларга нисбатан маъмурий баённома расмийлаштирилган.
Мавзуга доир:
- «Отасининг орқасида юрган болалар». Тошкентда Lacetti’ларни орқамача ҳайдаганларнинг хулқи улар яшайдиган маҳаллада муҳокама қилинди
- Фарғонада ЙПХ ходимининг талабига бўйсунмай, қарама-қарши йўналишда ҳаракатланган Lacetti’ни 14 ёшли ўсмир бошқаргани аниқланди
- Сурхондарёда ЙПХ ходимининг талабига бўйсунмай, қарама-қарши йўналишда ҳаракатланган Damas’ни 9-синф ўқувчиси бошқаргани аниқланди
Изоҳ (0)