Netflix’нинг «Кальмар ўйини» сериали чиққанидан кейин Vans’нинг оқ слипонлари (боғичсиз енгил оёқ кийим) савдоси 7800 фоизга ошиб кетди, деб хабар беради Glamour.
Оқ слипонлар — бу «Кальмар ўйини» сериалидаги қаҳрамонлар кийимининг бир қисми. Lyst шоппинг-платформаси маълумотларига кўра, оқ слипонларга бўлган қизиқиш «Кальмар ўйини» машҳурлиги фонида 97 фоизга кўтарилган.
Шунингдек, ўйинчилар эгнидаги яшил спорт кийимлар ва қўриқчиларнинг қизил формаси ҳам жуда оммалашган: ушбу костюмлар Хеллоуинда энг машҳур кийимлардан бирига айланиши кутилмоқда.
Бундан ташқари, сериалда бош роллардан бирини ижро этган жанубий кореялик модель Хо Ён Чоннинг ижтимоий тармоқлардаги аккаунтига премьерадан икки ҳафта ўтгач 16 миллиондан ортиқ киши обуна бўлган. Шу орқали Чон ижтимоий тармоқларда аудиторияси энг тез ўсган юлдузлар рейтингига етакчилик қилган.
Аввалроқ Жанубий Корея провайдери «Кальмар ўйини» сабаб томошабинлар оқими ортгани учун Netflix’ни судга бергани, Netflix «Калмар ўйини» сериалида кўрсатилган телефон рақамни ўзгартириши, унинг ҳақиқий эгасига ҳар куни минглаб қўнғироқлар бўлаётгани тўғрисида хабар берилганди.
Изоҳ (0)