Жанубий Кореянинг SK Broadband интернет провайдери Netflix’ни судга берди. Бунга «Кальмар ўйини» ва «Қочоқлар овчиси» сериали чиққанидан сўнг томошабинлар ортиб кетиши натижасида тармоқ трафигини ошириш ва техник хизмат кўрсатиш кўпайгани сабаб харажатлари ортгани сабаб бўлган, деб ёзади Esquire.
Компания бу каби қадамни Сеул суди SK Broadband томонини олганидан сўнг ташлаган. Суд Netflix провайдернинг тармоғидан фойдаланишни компенсация қилиб беришини «одилона» деб атаган.
SK Broadband’да таъкидланишича, 2018 йилнинг майидан буён Netflix трафиги 24 баробарга ошган (сониясига 1,2 триллион бит маълумот), бироқ стриминг сервис Amazon, Apple ва Facebook каби тармоқдан фойдаланганлик учун йиғимларни тўламайди.
Netflix вакилларининг маълум қилишича, улар SK Broadband’нинг эътирозини кўриб чиқади, шунингдек, провайдер билан диалогни яхшилаш ва у билан ишлашни давом эттиришнинг усулларини қидиради.
SK Broadband’нинг баҳолашича, Netflix 2020 йилнинг ўзи учун 23 миллион доллар тўлаши керак. Netflix мазкур қарорга рози бўлмаган ва апелляцияга берган. Суд иши декабрь охирида бошланади.
«Кальмар ўйини» ва «Қочоқлар овчиси» каби Жанубий Корея сериаллари Netflix’ни мамлакатдаги энг йирик маълумотлар трафиги генератори бўйича YouTube’дан кейинги иккинчи ўринга олиб чиқди.
Аввалроқ Netflix «Кальмар ўйини» сериалида кўрсатилган телефон рақамни ўзгартириши, унинг ҳақиқий эгасига ҳар куни минглаб қўнғироқлар бўлаётгани тўғрисида хабар берилганди.
Изоҳ (0)