Таниш мушкул: Фильмларда эркак қаҳрамонлар ролини ижро этган Голливуднинг 5 актрисаси (фото)

Фильмларда доим ҳам аёллар ролини актрисалар, эркакларни эса актёрлар ижро этавермайди. Гоҳида таниб бўлмас даражада ўзгарган ижодкорлар қарши жинс вакилларини қойилмақом тарзда ўйнайди ва томошабинлар олқишига сазовор бўлади. Буни қуйидаги мисоллар орқали ҳам билиб олиш мумкин.

Тильда Суинтон

Голливуднинг энг маҳоратли актрисаларидан бири Тильда эркак ролларини бир неча бор ижро этган. Тильда ўзининг биринчи тажрибасини 1992 йилда «Oрлондo» фильмида, эркак аристократ роли билан синаб кўрган. Иккинчи марта, юлдуз «Суспирия» фильмида эркак образини ижро этди, қаҳрамон мазкур картинада нафақат бош раққоса, балки 82 ёшли психоаналист ролини ўйнади. Суратга тушиш учун у тўрт соатдан кўпроқ бўяниши керак эди, лекин бу иш берди. Фильм намойишидан сўнг кекса одам ролидаги Тильдани ҳатто энг содиқ мухлислар таний олмаган.

Кейт Бланшетт

2007 йилда қўшиқчи Боб Диланнинг ҳаёти ҳақидаги биографик драма намойиш этилди. Фильмда ижрочини тасвирлайдиган олтита ҳикоя акс этган. Кейт Бланшетт ана шундай ҳикояларнинг бирида роль ўйнади. Юлдуз шу қадар моҳирлик билан ўз қаҳрамонини ижро этдики, у нафақат мухлислар ва кино ихлосмандлари, балки «Олтин глобус», шунингдек, BAFTA ва «Оскар» номинацияларига сазовор бўлди. Фильм намойишидан 10 йил ўтгач, юлдуз яна «Манифесто» фильмидаги эркак ролини ўйнади, унда актриса уйсиз одам қиёфасида пайдо бўлди.

Гленн Клоуз

Актриса Гленн Клоуз Ирландиянинг XIX асрдаги ҳаёти ҳақида ҳикоя қилувчи «Сирли Алберт Ноббс» тарихий фильмида ўйнади, ўша пайтда аёллар эркаклар билан тенг ишлаши учун уларнинг қиёфасини киришга мажбур бўлган. Унинг қаҳрамони ҳам шундай қилди. Айтганча, Гленн фильмни суратга олишдан олдин ҳам театрда бу ролни ўйнаган ва қачонлардир продюсерлар ҳикояни фильм шаклида суратга олишини ҳам орзу қилган. Бироқ, Алберт Ноббс бу актрисанинг ягона эркак роли эмас. У Стивен Спилбергнинг «Капитан Крюк» фильмида қароқчи ролини ўйнаган.

Вупи Голдберг

Актриса ўз карьерасида муваффақият қозониши учун ўзини эркак қилиб кўрсатиши керак эди. Айнан режиссёр Дональд Петри ўзининг «Ҳамкор» фильми учун комедия актрисаси Вупи Голдбергни молиявий таҳлилчи ролини бажаришга таклиф қилган. Унинг қаҳрамони шахсий бизнесини яратади ва ўзини Роберт исмли ишбилармон қилиб кўрсатади. Айтганча, бу роль учун актриса нафақат визуал тарзда ташқи кўринишини, балки терининг рангини ҳам ўзгартириши керак эди: қора танли аёлдан у оқ танли эркакка айланган.

Мерил Стрип

2004 йилда режиссёр Майк Николс «Америкадаги фаришталар» номли сериални суратга олди ва «Эмми», «Гремми» ва бешта "Олтин глобус" мукофотига сазовор бўлди, улардан бири актриса Мерил Стрипга ҳам насиб этди. Актриса минисериалда тўрттагача роль ўйнади, улардан бири кекса одам образи эди. Тан олиш керакки, «Оскар» мукофотига сазовор бўлган актрисани узун соқолли ва кул ранг сочли қиёфада таниш деярли имконсиз.