Ўзбекистонда хорижий олий таълим ташкилотлари сони ошди, деб хабар бермоқда Давлат статистика қўмитаси.
Фото: «Дарё» / Мадина НурманҚайд этилишича, 2020/2021-ўқув йили бошида республика бўйича 20 та хорижий олий таълим ташкилоти фаолият юритган.
Сўнгги 3 йилда фаолият юритган хорижий олий таълим ташкилотлари сони қуйидагича ўзгарган:
- 2018/2019-ўқув йили бошида — 10 та;
- 2019/2020-ўқув йили бошида — 18 та;
- 2020/2021-ўқув йили бошида — 20 та.
Мамалакатда хорижий ОТМлар филиаллари йилдан йилга кўпаймоқда. Хусусан, 2021/2022-ўқув йилидан Тошкентда
Санкт-Петербург давлат университети филиали,
Бутунроссия кинематография институти филиали, Венгриянинг
Дебрецен университети филиали, 2022/2023-ўқув йилидан эса
Россия тиббиёт университетининг Тошкент филиали таълим фаолиятини бошлайди. Пойтахтда, шунингдек,
Италиянинг Пиза университети филиали очилиши кутилмоқда. Янги ОТМ геология йўналишида мутахассислар тайёрлайди.
Изоҳ (0)