Индонезиялик эркак гуруч қайнатгичга «уйланди»

Индонезияда Зойрул Анам исмли эркак ўзининг гуруч қайнатгичига «уйланди». Электр қурилмаси билан бўлиб ўтган тўй маросимининг суратларини у Facebook’даги саҳифасига жойлаштирган, деб хабар беради «Korrespondent.net».

Суратлардан кўриш мумкинки, гуруч қайнатгич келиннинг ёпинчиғи билан безатилган, куёв эса байрамона кийимда тўй ҳужжатларини имзолаган.

Анамнинг таъкидлашича, унинг жуфти «тўғри сўз, итоаткор, суюкли ва яхши овқат тайёрлайди».

Аммо «тўй»дан тўрт кун ўтиб эркак ажрашишга қарор қилган. Анам ўзининг бу каби қарорини «суюклиси» фақат гуруч тайёрлай олиши билан изоҳлаган.

NDTV’нинг ёзишича, Анам — Индонезияда ўзининг ноодатий чиқишлари билан танилган бўлиб, «тўй» обуначиларининг кўнглини кўтариш учун яна бир баҳона бўлган холос. Интернетда тарқалган суратларга кўра, у бунинг уддасидан чиққан.