Наманган вилоятининг Поп туманида алимент тўловидан қарздорлиги бўлган ота фарзандлари учун уйни хатлаб берди. Бу ҳақда «Дарё»га вилоят МИБ матбуот хизмати маълум қилди.
Фуқаролик ишлари бўйича Чуст туманлараро судининг жорий йил 5 августдаги қарорига асосан Нозимжон Ашуровдан (исм-шарифлар ўзгартирилган) собиқ турмуш ўртоғи Дилбар Ҳабибуллаева фойдасига алимент ундирилиши белгиланди.
Ушбу ҳужжатга кўра, Нозимжон Ашуров уч нафар фарзанди учун вояга етгунларига қадар 135 миллион сўм тўлаб бериши керак эди. МИБ Поп туман бўлими мутасаддилари томонидан ота билан бир неча бор суҳбатлар ўтказилди ва мавжуд қонун-қоидалар тушунтирилди.
Мазкур мулоқотлардан сўнг ота фарзандлари учун 500 миллион сўм атрофида баҳоланаётган уй-жойни ҳатлаб беришга қарор қилди.
Изоҳ (0)