Сирдарё вилояти Янгиер шаҳрида «ГАЗ-53» юк машинасига бори урилган «Жигули» ҳайдовчиси воқеа жойида ҳалок бўлди. Бу ҳақда ЙҲХББ матбуот хизмати хабар берди.
Маълум бўлишича, 1 октябрь куни соат 23:00 ларда Душанбе–Тошкент йўналишида кетаётган «ГАЗ-53» юк машинаси белгиланган жойдан бурилаётганда шу йўналишда келаётган «ВАЗ-2106» («Жигули») юк машинасини эҳтиётсизлик сабабли кўрмай қолиб, унга келиб урилган. Оқибатда «Жигули» ҳайдовчиси олган тан жароҳатларидан воқеа жойида ҳалок бўлган.
Ҳолат ўрганилганда йўл янги қурилиб, битказилгани, аммо ҳали топширилмагани аниқланган. Йўл асфальт қилинган, нуқсонсиз бўлган, аммо ҳеч қандай йўл чизиқлари, белгилар бўлмаган, ёритиш чироқлари ҳам ёқилмаган. Ушбу омиллар ЙТҲ юз беришига асосий сабаб бўлган.
Изоҳ (0)