Ўзбекистонда сентябрь ойи давомида коронавирус ва пневмония асоратлари оқибатида жами 212 киши вафот этган, деб хабар беради ССВ матбуот хизмати.
Маълум қилинишича, 1 октябрь ҳолатига кўра, мамлакатда коронавирусга чалингани расман тасдиқланганлар сони 174 879 нафарга етган. Ҳозирга қадар беморларнинг 169 866 нафари соғайган (97 фоиз).
Ўзбекистонда коронавирус пандемияси бошланганидан буён COVID-19 асоратлари оқибатида вафот этганлар сони 1245 нафарни ташкил этмоқда.
Шунингдек, ҳозирга қадар пневмония қайд этилган беморлар сони 27 276 кишига етган, уларнинг 25 550 нафари соғайган (92 фоиз). Шу кунгача пневмониядан вафот этганлар сони 244 нафарга етди.
Изоҳ (0)