Topqir oftalmolog yangi iPhone 13 Pro Max’ning makro suratga olish rejimidan ko‘z kasalliklariga tashxis qo‘yishda foydalanib ko‘rdi, deb xabar beradi Hi-Tech.Mail.ru.
Shifokor makrosuratga olish rejimi yordamida har bir qabul davomida bemor ko‘zining mayda detallariga qadar tasvirga olgan va u orqali davolanish jarayonini kuzatgan — bemorga avvalroq muguz parda ko‘chirib o‘tkazilgan bo‘lgan.
iPhone’dagi makrosuratga olish rejimi qanday ishlaydi?
Apple’ning yangi smartfonlar seriyasidagi Pro-modellarga kattalashtirilgan diafragmali, (ƒ/1.8) o‘ta keng burchakli kamera o‘rnatilgan. Obyektivning yangi konstruksiyasi, avtofokus funksiyasi (iPhone’ning o‘ta keng burchakli kameralarida birinchi bor) va ilg‘or dasturiy ta’minot buyumlarning yirik plandagi tiniq suratlarini olish imkonini beradi. Minimal masofa — 2 santimetr.
Avvalroq “Smartfonlar orasidagi eng yaxshi displey” nomiga iPhone 13 Pro Max sazovor bo‘lgani to‘g‘risida xabar berilgandi.
Izoh (0)