АҚШ Хорватияни Америка ҳудудида визасиз ҳаракатланиш дастурига киритди. Энди хорватияликлар АҚШга 90 кунлик муддатга визасиз кириш имкониятига эга бўлди, деб ёзмоқда Reuters.
Ўз навбатида, Хорватия бош вазири Андрей Пленкович ҳам ушбу қарорга муносабат билдирган.
«Биз АҚШ қарорини мамнуният билан қабул қиламиз. Бундан ҳаммадан кўпроқ Хорватия фуқаролари фойда кўради, улар АҚШга визасиз бориши мумкин. Ташқи сиёсатнинг ушбу устуворлигини амалга ошириш орқали биз алоқаларни янада мустаҳкамлаймиз», — деб ёзган Пленкович Twitter’да.
Аввалроқ Беларусь ўз ҳудудида АҚШ, Бразилия, Гондурас, Хитой ва Албания фуқаролари учун 30 кунлик визасиз ҳаракатланиш режимшни бекор қилганди. Шу билан бирга, Эрон, Покистон, Миср, Жанубий Африка ва Иордания фуқаролари республикага визасиз ташриф буюриши мумкин.
Шунингдек, Украина ва Хитой ўзаро визасиз ҳаракатланиш тўғрисидаги битимни тайёрлаётгани маълум бўлганди. Ҳужжатнинг имзоланиши икки мамлакат фуқароларининг саёҳатлари учун максимал қулайлик яратади ва давлатлар ўртасидаги ўзаро манфаатли ҳамкорликка ҳисса қўшади.
Изоҳ (0)