Ҳаётда чиройли бўлгани билан суратда унчалик кўринмайдиган қиз ва аёллар учун чикаголик фотограф Родригес Кшивицкининг бу борадаги фойдали тавсияларини ҳавола қиламиз.
Кўчадаги ўриндиқда қандай суратга тушиш керак?
Қаддингизни кўтариб, ўнг елкани олдинроқ чиқаринг. Чап оёқни бироз олдинга чўзиб, қўлингизни тизза устига эркин қўйинг. Юзингизга жиддий тус бериб, ўзингизни гўё узоқларга тикилаётгандек тутинг.
Street stilе: кўчада суратга тушиш учун ғоя
Суяниш мумкин бўлган жойга ён билан туринг. Чап қўлингизни устунга қўйинг, ўнг оёқни букиб, бошингизни баландроқ кўтаринг.
Йирик пландаги портрет фото
Йирик пландаги суратингиз чиройли чиқиш учун масофа сақланг ва қўлларингизни қовуштирманг. Қўлингизни бел қисмига қўйинг. Қоринни тортиб, бошни баландроқ кўтаринг. Иккинчи қўл билан сумкани ушлашингиз ёки шунчаки чўнтакка солишингиз мумкин.
Ёрқин элементлар билан композиция яратганда
Биринчи навбатда орқа фоннинг кийим рангига тортиб кетмаслигига эътибор беринг. Бўй-бастингиз билан суратга тушмоқчи бўлсангиз, ён тарафингиз билан туринг. Оёғингизнинг бирини хиёл букинг. Қўлларнинг бирини кўтариб, иккинчисини бўш қўйишингиз мумкин. Қоринни тортишни ва табассум қилишни унутманг.
Уйда суратга тушганда
Уйда суратга тушганда жиддийликдан қочиб, ўзингизни эркин тутинг. Ўзингизни гўё жойингиздан сакрамоқчидек тутинг. Фото табиий чиқади ва қувонч бағишлайди.
Кўзгуда олинган сурат муваффақиятли чиқиши учун нима қилиш керак?
Ўтирган ҳолатда суратга тушаётган бўлсангиз, оёғингизнинг биттасини йиғинг. Елкани бироз олдинга чиқаринг. Бўйнингизни бироз кўтаринг ва бошингиз билан хиёл четга қаранг.
Селфи мукаммал чиқиши учун нима қилиш керак?
Селфи мукаммал чиқиши учун ёруғлик етарли бўлиши бағоят муҳим. Ёруғликка тескари туриб суратга туша кўрманг. Табиий ёруғликдан фойдаланилса, янада яхши. Телефонни кўздан бироз баландроқ тутинг ва камерани бироз ўзингиз тарафга эгинг.
Бир хил усулда тушиладиган фотода қандай кийинган яхшироқ?
Оғирликни бир оёққа бироз кўпроқ ташлаб суратга тушишни ёқтирганларга иложи борича кенг ва устма-уст кийим кийиш тавсия қилинади. Куртка, тренч ёки пальто кийиб қўлларингизни чўнтакка солишингиз мумкин. Тирсакларнинг бироз букилиши фотода янада чиройли кўринади.
Тасодифан олингандек фотога тушиш
Суратга тушиб бермагандек кўринишни истасангиз, камера қаршисига туриб, бошингизни бошқа томонга буринг. Камерадан бироз тепароққа қаранг. Қўллар билан сочни тартибга келтираётгандек кўринишингиз ҳамда оёқларни чалиштиришингиз мумкин.
Изоҳ (0)