Suratda omadsiz chiqish tashqi ko‘rinishdagi kamchilik emas, qanday ko‘rinishingizni bilmasligingiz bilan bog‘liq bo‘lishi mumkin.

Model Kara Delevin kabi suratga jiddiy tushing

Foto: Cosmopolitan

Foto: Cosmopolitan

Har doim ham tabassum bilan tushilgan suratlar muvaffaqiyatli chiqavermaydi. Kulganda yuzdagi mimik ajinlar ko‘zga tashlanadi, ko‘zlar kichkina ko‘rinadi. Irjayib tushgan suratingizdan ko‘nglingiz to‘lmasa, biroz qoshlarni chimirib tushing.

Krissi singari tabassum qiling

Foto: Cosmopolitan

Foto: Cosmopolitan

Tishlarni ko‘rsatmasdan, qoshlarni biroz tepaga ko‘tarib tabassum qilish Teygenga xos. Bunda peshonaga ajin tushmaydi, burun va og‘iz atrofidagi burmalar ham yaqqol ko‘zga tashlanmaydi. Bunday variant yuzining shakli dumaloq bo‘lgan, yanoqlari katta qizlar uchun ayni muddao.

Sochlaringizni Beyonse singari yon tarafga tushiring

Foto: Cosmopolitan

Foto: Cosmopolitan

Yuzning ikki tarafidan olingan surat turli chiqishi, biri omadli biri omadsiz bo‘lishi mumkin. Bunday vaqtda sochlarni kamchilik bor qismga tashlash, ochiq qoldirish orqali esa afzallikka urg‘u berish kerak.

Jiji singari qarab tushing suratga

Foto: Cosmopolitan

Foto: Cosmopolitan

Boshni yelkadan ortga qaratib suratga tushish yuz va qomatning afzal tarafiga urg‘u berish uchun ayni muddao. Bu borada Jijidan ilhomlanishingiz mumkin.

Riz singari qo‘llaringizni ko‘taring

Foto: Cosmopolitan

Foto: Cosmopolitan

Barcha e’tibor yuzga qaratilmasligi uchun bu usul yaxshi samara beradi. Qo‘lingizni ko‘taring, sumkadan narsa olmoqchidek bo‘ling yoki bo‘yningizdagi ro‘molchani to‘g‘rilagandek ko‘rining. Emotsiyalar suratni omadli chiqishiga hissa qo‘shadi.

Qo‘llaringizni Kendaldek tuting

Foto: Cosmopolitan

Foto: Cosmopolitan

Qo‘llarni turli balandlikda joylashtirish orqali ortiqcha hajmni yashirish yoki qomatga urg‘u berish mumkin.

Oyoqlarni Aleksa singari chalishtiring

Foto: Cosmopolitan

Oyoqlarni bunday joylashtirishning o‘zi bilan bo‘y balandroq, qomat esa ixchamroq ko‘rinishi mumkin. Buning uchun kamera qarshisiga oyoqlarni chalishtirib, qo‘llarni belga qo‘yishning o‘zi kifoya.