Шампунь, фольга ва кир ювишда керак бўладиган бошқа 8 нарса

Кир ювишда асқатиши хаёлингизга ҳам келмаган ва дарҳақиқат, самара берадиган нарсалар ҳақида маълумот бериб ўтамиз.

Оғиз бўшлиғини чайишда фойдаланиладиган восита

Кир ювиш машинаси доимий равишда дезинфекцияланишга эҳтиёж сезади. Кир кийимлар билан бирга аппаратнинг ичига замбуруғлар, чанг ҳамда зарарли бактериялар ҳам киради. Бир зумда зарарсизлантиришнинг энг оддий усули уни оғиз ювишга мўлжалланган восита билан чайиш ҳисобланади. Бунинг учун кир ювиш машинасининг суюқлик солинадиган қисмига ярим стакан воситадан қуйинг ҳамда тўлиқ циклга ёқиб айлантиринг.

Фольга қоғози

Алюминий кийимлардаги токланишни камайтириб, қуришга кетадиган вақтни камайтиради. Юбкангиз юрганда оёқ орасига кириб қолаверадиган бўлса, кейинги сафар ювиш вақти фольга қоғозини буклаб солинг.

Тўқишда ишлатиладиган жун ип

Баъзи уй бекаларининг таъкидлашига қараганда, қуритиш машинасига рангсиз жун ип ташлаб қўйилса, чойшаб анча юмшоқ бўлиб қолади. Аммо ушбу тавсия фақатгина оч рангли чойшаблардагина иш беришини унутмаслик керак.

Муз

Қуритиш жараёнидан кейин кийимларда из ва букланишлар пайдо бўлиб қолмаслиги учун жараёнда бир неча бўлак муз солиб қўйиш тавсия қилинади. Шунингдек, бу вақтда катта миқдорда чойшаб солманг. Битта цикл учун 2-3 та чойшаб солиш етади.

Эфир ёғи

Эфир ёғидан қиммат кондиционер ўрнида фойдаланса бўлади. Кир ювиш машинасига бир неча томчи эфир ёғи солиб қўйинг ва қарабсизки, кийимларингиздан ёқимли ифор таралишига гувоҳ бўласиз.

Човли

Нозик матодан тикилган чойшабларга зарар етказмасдан туриб сувидан қутулиш қилиш учун човлидан фойдаланса бўлади. Сув бир зумда оқиб кетади, шундан кейин одатий қурицангиз бўлади.

Қаҳва ва чой

Қаҳва ва чой тўқ рангли матодан тикилган нарсаларнинг илк кўринишини қайтаришга ёрдам беради. Бунинг учун чайиш жараёнида машинанинг суюқлик қуйишга мўлжалланган қисмига икки стакан дамланган қаҳва ёки чой қўшинг. Ё бўлмаса, сувга қўшилган қаҳва ва чойли аралашма солинган тоғорага ивитиб қўйинг.

Кир ва бўёқларда яхши самара берадиган усул

Оч ва рангли чойшабларни қўшиб ювиш мумкин. Фақат бунинг учун сода қўшилган бир стакан сув керак бўлади. Матони содали аралашмага солиб ивитиб олинг, кейин эса қуришини кутинг. Ушбу матони ранги чиқиши мумкин бўлган кийимлар билан қўшиб машина ичига солинг.

Соч учун кондиционер

Иссиқ сувга соч учун кондиционердан 0,25 стакан қўшинг. Кийимни унга солиб 20-30 дақиқага ивитиб қўйинг. Кейин одатий усулда ювиб ташланг.

Шампунь

Шампунь ва идиш ювишга мўлжалланган восита аралашмаси билан бир зумда кийимнинг ёқаси, яъни бўйин қисмидаги кирни бартараф қилса бўлади. Бунинг учун шампунь суртиб 15 дақиқага қолдириш керак бўлади. Кейин яхшилаб иссиқ сувда ювиб ташлаш мумкин.