Саҳифасини томоша қилгач, шарқ аёл-қизлари фақатгина узун кийинади ҳамда трендлардан узоқ бўлади, деган стереотиплардан воз кечиш кафолатланган блогерлар ҳақида маълумот бериб ўтамиз.
Лина Ал-Хути (@leenalghouti)
Келиб чиқиши фаластинлик бўлган блогер ҳаётининг асосий қисмини Бирлашган Араб Амирликларида ўтказган. Ижтимоий тармоқларда фаол бўлгунига қадар эса график дизайнер ва шунингдек, Дубай амирлиги шайхи Манал бинт Муҳаммад бин Рашид ал-Мактум зоти олияларининг офисида арт-директор бўлиб ишлаган.
Кейинчалик модага бўлган қизиқишини тушуниб етиб, уни турмуш тарзи ва ишига айлантириши мумкинлигини тушуниб етган. Акаси билан бирга Stacks брендига асос солган. Унинг гардероби трендга хос аксессуарлар ва образларида одатий уйғунлаштириладиган ранг-баранг нарсаларга тўла. Oversize кийим-кечакларни яхши кўрадиган Линанинг кийиниш услуби ўзига хослиги билан эътибор жалб қилади.
Салли Асгур (@sallyomo)
Саллининг блоги гўзаллик шайдолари ва ижодсеварларни ўзига мафтун қилади. Фаластинда дунёга келган Асгур кейинчалик АҚШга кўчиб келиб, Флорида коллежида таҳсил олган.
Романтик услубда кийинишни яхши кўрадиган қиз кундалик ҳаётда водолазка, юбка, тугмали кўйлакларни кийишни афзал билади. Сиполик ва услуб борасида мукаммал балансни топишни уддасидан чиққан блогер рўмол билан маҳлиё қиладиган образлар яратади.
Марга Билтаги (@mademoisellememe)
Араб модаси ҳақида гап кетганда узун ва қоматни яширадиган кийимларни кийилади, деган стереотиплар келади хаёлга. Аммо Марва шим ва кенг костюм ҳамда қизил помада суртилган образи билан ҳар доим ҳам бундай эмаслигини исботлайди.
«Мен трендлар ортидан қувмайман, аммо айнан нимадир ёқадиган бўлса, уни гардеробимга қўшишни афзал биламан. Ҳамма тенденция барчага тўғри келади деб ўйламайман. Масалан, тор шорти сиполикни афзал биладиган мода ихлосмандлари учун эмас», — деган у.
Шаҳд Батал (@shahdbatal)
Шаҳд Instagram’дан ташқари YouTube’да ҳам машҳурликка эришган. Макияж ва сочни турмаклаш бўйича видеолар жойлаган Батал ҳаёти тафсилотлари билан бўлишиб келган.
Кузатувчилари сони кундан кунга кўпайган блогер шундан кейин Instagram саҳифасига ҳижоб билан умумлаштирилган спорт услубидаги образларни жойлайди.
Сюзанна ва Несма Кадри (@kd_sisters_style)
Араб мода оламининг энг машҳур опа-сингиллар умумий саҳифасида ўзига хос услубдаги уйғун образларини жойлаб келади. Oversize ва street style услубида кийинадиган қизлар барча тенденцияларни образида мужассам қилишга уринади.
Шунингдек, уларнинг кийинишидан келиб чиқиб оддий кийимга қандай қилиб ёрқин урғу бериш ва аксессуарларни мослаш борасида хулоса қилса бўлади.
Айка Баркави (@ayabarqawi)
Мураккаб образларни синаб кўриши билан яхши таниш бўлган Айка табиий рангларга ёрқин урғу беришнинг уддасидан чиқади.
Қолаверса, у ўзининг мода борасидаги қарашидан келиб чиқиб «Aya Barqawi» брендига асос солган.
Имане Асри (@fashionwithfaith)
Минимал услубда кийинадиган Имане тўқ қизил, жигарранг, қора рангларга кўп мурожаат қилади.
Гардероби ранг-баранг бўлишини истаганларга Асрининг кийиниш борасидаги ғояларидан илҳомланиш тавсия қилинади.
Мариа Алиа ал-Садек (@mariaalia)
Креатив консултант сифатида фаолият олиб борган Мариа Marc Jacobs, Tiffany & Cо’дан тортиб, Nike ва Farfetch сингари бўлган брендлар билан ишлашга улгурган. Нью-Йоркда истиқомат қиладиган қизнинг кийинишида Америка модасига хос унсурларни учратиш мумкин. Чарм пальто, oversize устки кийимлар кийишни афзал биладиган Мариа ранг-баранг кўйлак ҳамда трикотаж костюмларни ёқтиради.
Нур (@noore)
Ранглар ва ноодатийликни мослашни истовчиларга Нурнинг аккаунтини томоша қилиш тавсия қилинади. Сариқни оловранг, қизилни пушти билан уйғунлаштирадиган блогер замонавий принтлар ҳамда геометрик шаклларни ҳам эсдан чиқармайди.
Қоматга урғу бериб турадиган либослари эса уни янада ўзига хос кўрсатади.
Самия (@sauf.этc)
Самия ҳам араб модаси ҳақидаги мавжуд стереотипларни синдиради. У oversize услубидаги свитшотлар, кенг кофталарни спорт услубидаги шим ҳамда кроссовкалар билан осон мослайди.
У ҳар кунлик базавий кийим-кечаклар билан замонавий ва долзарб кўрсатадиган ранг-баранг образлар яратиши мумкин.
Изоҳ (0)