Қорақалпоғистонда ўзини ДТМда ишлашини айтиб, 29 нафар абитуриентга ўқишга киритиб қўйишни ваъда қилган шахс қўлга олинди, деб хабар беради Бош прокуратура ҳузуридаги департамент.
Маълум қилинишича, Бош прокуратура ҳузуридаги департамент ҳамда ДХХнинг Қорақалпоғистон Республикаси бошқармалари томонидан фуқароларнинг ҳуқуқ ва манфаатларини ҳимоя қилиш юзасидан тезкор тадбир ўтказилган.
Тадбир давомида Р.Э. исмли шахс фуқаро Ш.га гўёки ўзини Давлат тест марказида ишловчи шахс сифатида таништириб, унга Али исмли таниши орқали ўқишга кира олмаган абитуриентларнинг балларини кириш балларига тенглаштириб беришни ваъда қилгани аниқланган. У жами 29 нафар абитуриентни ўқишга киритиб қўйиш эвазига 83 минг долларни фирибгарлик йўли билан олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Аввалроқ Тошкент вилоятида юридик университетга 18 минг доллар эвазига ўқишга киритмоқчи бўлган шахс ва собиқ ўқитувчи ушлангани, Сурхондарё ва Фарғонада фуқароларни ўқишга киритиб қўйиш эвазига пул сўраган талабалар қўлга олингани тўғрисида хабар берилганди.
Мавзуга доир:
- Тошкентда фуқаронинг Қозоғистондаги ўқишини Самарқанд тиббиёт институтига кўчириб бериш эвазига 5 минг доллар олган шахс ушланди
- Бухорода фуқарони ўқишга киритишни ваъда қилиб, 60 млн сўм сўраган икки талаба ушланди
- Самарқандда ҳарбий олийгоҳлар ва Темурбеклар мактабига ўқишга киритишини айтиб, фуқаролардан қарийб 10 500 доллар пул олган аёл қўлга олинди
Изоҳ (0)