Президент Шавкат Мирзиёев 24 сентябрь куни Самарқандга келди, деб хабар беради давлат раҳбарининг матбуот хизмати.
Маълум қилинишича, Шавкат Мирзиёев аввал Ҳазрати Ҳизр мажмуасига ташриф буюриб, Ислом Каримов мақбарасини зиёрат қилган.
«Биринчи Президентимиз қабрига гул қўйилиб, Қуръон тиловат қилинди», — дейилади хабарда.
Эслатиб ўтамиз, Шавкат Мирзиёев 2021 йилнинг апрелида Самарқандга амалга оширган сафари чоғида ҳам Ўзбекистоннинг Биринчи Президенти Ислом Каримов қабрини зиёрат қилганди.
Изоҳ (0)