Realme компанияси ўзининг GТ Nео 2 флагманини 370 доллар қийматида тақдим этди

Realme компанияси ўзининг янги субфлагман аппарати — GТ Nео 2’ни тақдим этди. Янги модель харидорларни кучли процессор ва нарх уйғунлиги орқали ўзига жалб этишга мўлжалланган, деб хабар беради «Afisha.uz».

Смартфон Samsung томонидан ишлаб чиқарилган Full HD+ сифатни қўллаб-қувватловчи АМOLED-дисплейга эга бўлган бўлиб, ундаги тасвир янгиланиш часотаси 30 дан 120 герцгача ўзгаради. Бармоқ изи сканери дисплей остида жойлашган. Телефондаги камералар сони тўртта: 64 мегапикселли асосий, 8 мегапикселли ултра кенг бурчакли, 2 мегапикселли қўшимча ва 16 мегапикселли фронтал.

Аппарат ичига олмосли гелга асосланган илғор совитиш тизимига эга Qualcomm Snapdragon 870 процессори ўрнатилган, у чипнинг юклама остида ҳам барқарор ишлашини таъминлайди. Смартфон 6, 8 ёки 12 гигабайтли тезкор ва 128 ёки 256 гигабайтли ички хотира ёрдамида ишлайди. Сиғими 5000 мА/соатга тенг аккумулятор 65 ваттгача бўлган тезкор қувватланиш функциясига эга бўлиб, у 36 дақиқа ичида қурилмани 100 фоизга қувватлантира олади.

Қурилма ёрқин яшил, кўк ва қора вариантларда тақдим этилади. Расмий нархи — 370 доллар.

Аввалроқ Realme GТ — Snapdragon 888 процессорида ишлайдиган энг арзон смартфон тақдим этилган эди.