Samsung’нинг янги модели iPhone 13 дан кичикроқ ўлчамга эга бўлади. Бу ҳақда Ice Universe ники остидаги таниқли инсайдерга таяниб Hi-Tech.Mail.ru хабар берди.
Samsung’нинг янги линейкасида алоҳида мини версия пайдо бўлишини кутиш керак эмас, албатта, аммо базавий модель экрани барибир кичраяди: ҳозирда Galaxy S21 даги 6,2 дюйм ўрнига 6,06 дюйм.
Агарда бу рост бўладиган бўлса, Samsung’нинг янги линейкасидаги базавий модель компаниянинг сўнгги йиллардаги энг кичик флагманига айланади.
Инсайдернинг Twitter’даги постида, шунингдек, икки смартфон таққосланган сурат ҳам мавжуд: iPhone 12 ва Galaxy S22. Ихчамлиги бўйича иккинчиси олдинда, унинг узунлиги, эни ва баландлиги бироз катта. Эслатиб ўтамиз, iPhone 12 ва яқинда тақдим этилган iPhone 13 нинг экрани ўлчам борасида бир-биридан фарқ қилмайди — иккала смартфонга ҳам 6,1 дюймли дисплей ўрнатилган.
Samsung флагмани ўлчамининг кичрайиши гаджетнинг автономлигига ҳам таъсир кўрсатади. Инсайдер берган маълумотларга кўра, Galaxy S22 га кичикроқ аккумулятор ўрнатилади — унинг сиғими 3700 мА/соатга қадар кичраяди. Шунга қарамай, Galaxy S21 нинг аккумулятор сиғими 4000 мА/соатни ташкил этади.
Аввалроқ хитойлик икки инсайдер Samsung компанияси яқин кунларда 200 мегапикселли мобил сенсорни тақдим этиши ва у 2022 йилда сотувга чиқадиган Galaxy S22 флагманларига ўрнатилишини маълум қилганди.
Изоҳ (0)