ОФК Кубоги. «Насаф» Ҳиндистон клубини тор-мор келтирди ва кейинги босқичга йўл олди. Норчаевдан ҳет-трик
Қаршининг «Насаф» клуби ОФК Кубогининг Интерзонал минтақаси ярим финалида 22 сентябрь, чоршанба куни Ҳиндистоннинг «Моҳун Баган» жамоасига қарши баҳс олиб борди.
Учрашувнинг биринчи бўлимидаёқ қаршиликлар рақиб дарвозасига бешта гол урди. Ўйиндаги ҳисоб автогол билан очилган бўлса, Ҳусайн Норчаев ҳет-трик қайд этди ва танаффус арафасида Ойбек Бозоров ўз ҳисобига гол ёздириб қўйди. Голдан бироз аввал Бозоров пенальтидан унумли фойдаланолмаганди.
Иккинчи бўлимда Дониёр Нарзуллаевнинг голи ягоналигича қолди ва Қарши жамоаси 6:0 ҳисобидаги ғалабани қўлга киритди.
Шу тариқа «Насаф» Интерзонал минтақанинг финалига йўл олди ва у ерда 20 октябрь куни Гонконгнинг «Ли Ман» жамоасига қарши баҳс олиб боради. Бу жуфтлик ғолиби Ғарбий минтақа финали («Ал-Муҳаррақ» — «Ал-Кувайт») ғолиби билан чемпионлик учун кураш олиб боради.
ОФК Кубоги
Интерзонал ярим финали
22 сентябрь, чоршанба
«Насаф» — «Моҳун Баган» 6:0
Голлар: 1:0 – 4, автогол Притам Котал, 2:0 – 17 Ҳусайн Норчаев, 3:0 – 20 Ҳусайн Норчаев, 4:0 – 30 Ҳусайн Норчаев, 5:0 – 45+1 Ойбек Бозоров, 6:0 – 72 Дониёр Нарзуллаев.«Насаф»: 1. Умиджон Эргашев, 4. Ҳусниддин Алиқулов, 8. Дилшод Саитов, 10. Баҳром Абдураҳимов ( 50. Шоҳмалик Комилов, 60), 19. Ҳусайн Норчаев ( 99. Андрия Калудерович, 46), 20. Суҳроб Нуруллоев (7. Дониёржон Нарзуллаев, 60), 22. Акмал Мозговой, 34. Шерзод Насруллаев, 77. Ойбек Бозоров (28. Сардор Саъдуллаев, 75), 88. Марко Станоевич, 92. Умарбек Эшмуродов ( 5. Ғолиб Ғайбуллаев, 75).
«Моҳун Баган»: 1. Амриндер Сингҳ, 6. Ашутош Меҳта, 7. Жон Йенсио Кауко (16. Абишек Дананжай,), 8. Карл Мжуж, 9. Давид Уиллиямс (25. Киян Нассири Гири, 88), 11. Манвир Сингҳ (23. Сосаи Раж Микеаладмаи, 68), 15. Субҳасиш Bose, 18. Секх Саҳил ( 27. Листон Колако, 46), 20. Притам Котал, 21. Рой Кришна, 42. Ленний Родригес.
Огоҳлантиришлар: Котал (2), Bose (28), Меҳта (65), Саъдуллаев (79).
