Qarshining “Nasaf” klubi OFK Kubogining Interzonal mintaqasi yarim finalida 22-sentabr, chorshanba kuni Hindistonning “Mohun Bagan” jamoasiga qarshi bahs olib bordi.
Uchrashuvning birinchi bo‘limidayoq qarshiliklar raqib darvozasiga beshta gol urdi. O‘yindagi hisob avtogol bilan ochilgan bo‘lsa, Husayn Norchayev het-trik qayd etdi va tanaffus arafasida Oybek Bozorov o‘z hisobiga gol yozdirib qo‘ydi. Goldan biroz avval Bozorov penaltidan unumli foydalanolmagandi.
Ikkinchi bo‘limda Doniyor Narzullayevning goli yagonaligicha qoldi va Qarshi jamoasi 6:0 hisobidagi g‘alabani qo‘lga kiritdi.
Shu tariqa “Nasaf” Interzonal mintaqaning finaliga yo‘l oldi va u yerda 20-oktabr kuni Gonkongning “Li Man” jamoasiga qarshi bahs olib boradi. Bu juftlik g‘olibi G‘arbiy mintaqa finali (“Al-Muharraq” — “Al-Kuvayt”) g‘olibi bilan chempionlik uchun kurash olib boradi.
OFK Kubogi
Interzonal yarim finali
22-sentabr, chorshanba
“Nasaf” — “Mohun Bagan” 6:0
Gollar: 1:0 – 4, avtogol Pritam Kotal, 2:0 – 17 Husayn Norchayev, 3:0 – 20 Husayn Norchayev, 4:0 – 30 Husayn Norchayev, 5:0 – 45+1 Oybek Bozorov, 6:0 – 72 Doniyor Narzullayev.“Nasaf”: 1. Umidjon Ergashev, 4. Husniddin Aliqulov, 8. Dilshod Saitov, 10. Bahrom Abdurahimov ( 50. Shohmalik Komilov, 60), 19. Husayn Norchayev ( 99. Andriya Kaluderovich, 46), 20. Suhrob Nurulloyev (7. Doniyorjon Narzullayev, 60), 22. Akmal Mozgovoy, 34. Sherzod Nasrullayev, 77. Oybek Bozorov (28. Sardor Sa’dullayev, 75), 88. Marko Stanoyevich, 92. Umarbek Eshmurodov ( 5. G‘olib G‘aybullayev, 75).
“Mohun Bagan”: 1. Amrinder Singh, 6. Ashutosh Mehta, 7. Jon Yensio Kauko (16. Abishek Dananjay,), 8. Karl Mjuj, 9. David Uilliyams (25. Kiyan Nassiri Giri, 88), 11. Manvir Singh (23. Sosai Raj Mikealadmai, 68), 15. Subhasish Bose, 18. Sekx Sahil ( 27. Liston Kolako, 46), 20. Pritam Kotal, 21. Roy Krishna, 42. Lenniy Rodriges.
Ogohlantirishlar: Kotal (2), Bose (28), Mehta (65), Sa’dullayev (79).
Izoh (0)