ИИВ ЙҲХББ ижтимоий тармоқда тарқалган Қарши шаҳрида Lacetti русумли автомобиль ҳайдовчиси пиёдани уриб юборгани тасвирланган видео бўйича маълумот берди.
Маълум қилинишича, 18 сентябрь куни соат 12:05 ларда Қарши шаҳар,Ислом Каримов кўчасида жойлашган «Гулчеҳра» гўзаллик салони рўпарасида ҳайдовчи Ж.Ш. Lacetti русумли автомобилда ҳаракатланаётиб, пиёдалар ўтиш жойидан йўлни кесиб ўтаётган фуқаро Ш.Х.ни уриб юборган.
Оқибатда пиёда Ш.Х. оғир тан жароҳатлари билан шифохонада вафот этган.
Мазкур ЙТҲ юзасидан Қарши шаҳар ИИО ФМБ ҳузуридаги Тергов бўлими томонидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми тартибида жиноят иши қўзғатилиб, тергов ҳаракатлари олиб борилмоқда.
Аввалроқ Наманганда «Жигули» 3-синф ўқувчисини уриб юборгани, Андижонда Spark икки нафар вояга етмаган қизни уриб кетгани тўғрисида хабар берилганди.
Изоҳ (0)