Вьетнамлик уста ёғоч бўлагидан машҳур Volkswagen’нинг аниқ нусхасини яратди (видео)

YouTube’даги WoodWorking Art канали муаллифи ёғоч бўлагидан машҳур Volkswagen Т2 моделининг аниқ нусхасини ясади. Йўловчи ва юк ташишга мўлжалланган фургон Фусзян сарвидан ясалган. Машаққатли меҳнат саккиз дақиқали роликка жойлаштирилган. Уста барча майда деталларда ҳам эътибор қаратган. Volkswagen яхши сақланиб қолиши учун у лак ва қора бўёқ билан қопланган, деб хабар беради Motor.

Вьетнамлик дурадгор Volkswagen Т2’нинг ёғоч нусхасини дўстининг илтимосига кўра ясаган. Лойиҳани амалга ошириш учун қанча вақт сарфланганига аниқлик киритилмаган, аммо одатда уста автомобиллар нусхасини ясашга бир неча ҳафта сарфлайди.

Тайёр бўлган натижа ҳайратланарли: экологик тоза Volkswagen Т2’нинг нусхасини эшик ва капотлари очилади, бортлари ёнга тушади, рули бурилади, «подвеска»си нотекисликларда ишлайди. Муаллиф ойна тозалагичларни, рақамларини унутмаган, шунингдек, фаралардаги лампочкаларини ҳам ўрнатган.

Ҳозирда WoodWorking Art каналини 2,6 миллионга яқин обуначи кузатиб келади, видеоларининг ҳар бири 300 мингдан 180 миллион мартагача кўрилади.

Аввалроқ ветнамлик дурадгор Чионг Ван Дао оддий ёғоч бўлакларидан Ferrari 250 GTO нусхасини яратиш жараёни тасвирланган видео билан бўлишганди.