Namangan viloyati Namangan tumanida Damas avtomobili yo‘ldan o‘tayotgan piyodani urib ketdi, deya xabar qilmoqda viloyat IIB axborot xizmati.

Ma’lum qilinishicha, 2021-yil 12-sentabr kuni soat 19:30 larda, “Chorbog‘” MFY Shodlik ko‘chasida Namangan tumanida yashovchi, 1991-yilda tug‘ilgan fuqaro Damas rusumli avtomashinasini boshqarib borayotib, harakat xavfsizligini ta’minlay olmay, yo‘lni kesib o‘tayotgan piyoda — Namangan tumanida yashagan, 1962-yilda tug‘ilgan ayolni urib yuborgan.

Oqibatda piyoda bosh miya orqa suyagini sinishi va bosh miya og‘ir darajadagi lat yeyishi tashxisi bilan shifoxonada vafot etgan.

Ushbu holat bo‘yicha Namangan tuman IIB huzuridagi TB tomonidan 2021-yil 14-sentabr kuni Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish va undan foydalanish xavfsizligini buzish) bilan jinoyat ishi qo‘zg‘atilgan.