Бугун,

  • USD 10920.28
  • RUB 177.49
  • EUR 11052.42

«Толибон» Афғонистонда Аёллар масалалари бўйича вазирликни тугатиб, унинг ўрнига Саховатни тарғиб қилиш ва иллатларни йўқотиш вазирлигини тузди. Бу ҳақда BBC хабар берди.

Фото: EPA

Таъкидланишича, 1990 йилларда «Толибон» ҳукмронлиги даврида вазирлик аёлларга нисбатан қатъий шариат қоидаларини ва кескин чекловларни жорий қилган эди. Илгари Саховатни тарғиб қилиш ва иллатларни йўқотиш вазирлиги эса кўчаларда шариат қоидаларига риоя қилинишини таъминлаш учун ахлоқ полициясини ташкил этишга жавобгар бўлган.

«Толибон» ҳокимият тепасига келганидан буён аёлларнинг таълим олиши ва давлат лавозимларида ишлаши тақиқланди.

Anadolu агентлиги қайд этишича, 17 сентябрь куни Афғонистон Соғлиқни сақлаш вазирлиги мамлакатда ўғил болалар мактабда ўқиш ҳуқуқига эга бўлишини эълон қилди, аммо муассаса қиз болаларнинг таълим олиш ҳуқуқини тилга олмади.

Шундан кейин Кобулда бўлиб ўтган жимжитлик акцияси ташкилотчиси Фараҳ Мустафавийнинг айтишича, янги қарорга мувофиқ, қизлар мактабда фақат олтинчи синфгача ўқиши мумкин бўлади.

«Бундан ташқари, аёллар меҳнат қилиши мумкин бўлган иш жойларини ёпиб ташлашди. Таълим олиш — аёлларнинг диний ва фуқаролик ҳуқуқи. Ислом ҳам, Оллоҳ ҳам бизни бу ҳуқуқдан маҳрум қилмаган», — деди у.

Изоҳ
Асосий янгиликлар