So‘nggi yangiliklar Asosiy yangiliklar Eng ko‘p o‘qilgan
O'zb
Ўзбекча
Русский
English
  • O'zb
  • Ўзб
  • Рус
  • Eng

Daryo.uz Daryo.uz

  • O'zb
  • Ўзб
  • Рус
  • Eng
So‘nggi yangiliklar
    • USD 12190.01
    • RUB 126.91
    • EUR 12987.24
    • Google play
    • App Store
    • Telegram
    • Toshkentda
      +15°C
      • Andijon
      • Qarshi
      • Buxoro
      • Samarqand
      • Farg‘ona
      • Sirdaryo
      • Jizzax
      • Termiz
      • Namangan
      • Toshkent
      • Navoiy
      • Toshkent vil
      • Nukus
      • Urganch
    Telegram Youtube Facebook Instagram Twitter

    Daryo logo white Daryo logo dark

    • Mahalliy
      • Mehridaryo
      • Boshqalar
    • Markaziy Osiyo
      • Qirg‘iziston
      • Qozog‘iston
      • Turkmaniston
      • Tojikiston
      • Afg'oniston
    • Dunyo
    • Pul
      • Iqtisodiyot
      • Moliya
      • Kripto
      • Biznes
    • Madaniyat
      • Kino
      • Kitob
      • Musiqa
      • Shou-biznes
    • Layfstayl
      • Ayollar sahifasi
        • Farzand
        • Go‘zallik
        • Karyera
        • Maslahatlar
        • Moda
        • Retseptlar
      • Texnologiyalar
        • Arxitektura
        • Gadjetlar
        • Ilm-fan
        • Koinot
        • Media
      • Avto
      • Qo‘ziqorin
      • Sayohat
      • Salomatlik
      • Ta’lim
        • Abituriyent
        • Ingliz tilini o’rganamiz
    • Sport
    • Kolumnistlar
    • Multimedia

    Daryo.uz Daryo.uz

    Dunyo

    Ayollar Kobul aeroportidagi ishlariga qaytdi, “Tolibon” yetakchilari kelishmay qoldi, yangi afg‘on hukumati kuchli armiya tuzmoqchi. Afg‘oniston yangiliklari

    15.09.2021, 18:11 41480

    Kobul aeroportida ayollar o‘z ishiga qaytdi

    Kobuldagi Hamid Karzay nomli xalqaro aeroportda ayollar yana o‘z ishlariga qaytdi, deb yozadi Anadolu agentligi.

    Foto: Anadolu Agency

    Foto: Anadolu Agency

    31-avgust kuni Amerika qo‘shinlari Afg‘onistondan to‘liq olib ketilganidan keyin aeroport “Tolibon” harakati nazorati ostiga o‘tgan edi, endi havo bandargohi asta-sekinlik bilan normal ish faoliyatiga qaytmoqda.

    Aeroport ma’muriyati xabariga ko‘ra, 30 ga yaqin ayollar turli departamentlardagi ish joylariga qaytgan. Yaqin kunlarda ularning soni 60 nafargacha ortadi.

    Aeroport direktori Mavlaviy Abdulhodi Hamadan ma’lum qilishicha, shariat doirasida ayollar ishlash huquqiga ega va aeroportda ishlagan avvalgi xodimalarning barchasi o‘z lavozimlariga qaytgan.

    Hamadanning eslatishicha, “Tolibon” davlat muassasalarida faoliyat yuritgan ayollarning barchasini ishga qaytishga chaqirgan.

    “Biz aeroport xodimalarini ham ishga qaytardik. Barcha xodimlarimiz avvalgi rejimda ishlamoqda”, — dedi u.

    Anonim qolishni istagan aeroport xodimalaridan biri ishga qaytishdan mamnun ekanini aytib, “Tolibon” maoshlar masalasini hal qilishini istashini bildirdi.

    Mavzuga doir: Kobulda ayollar “Tolibon”ni qo‘llab-quvvatlab namoyish o‘tkazdi. Yopiq kiyingan va qo‘llarida ingliz tilidagi shiorlarni ko‘tarib olgan namoyishchi ayollarni qurollangan jangarilar qo‘riqladi (foto)

    “Tolibon” yetakchilari hukumat tarkibi tufayli janjallashib qoldi

    Afg‘onistonni o‘z nazoratiga olgan “Tolibon” rahbarlari orasida jiddiy ziddiyat yuzaga keldi, deb yozadi Daily Mail.

    “Tolibon” harakatining yuqori mansabli vakillari ma’lum qilishicha, prezident saroyidagi majlis chog‘ida harakat asoschilaridan biri bosh vazir o‘rinbosari Abdulg‘ani Birodar qochqinlar ishi bo‘yicha vazir hamda toliblar bilan yaqin aloqada bo‘lgan “Haqqoniy tarmog‘i”ning atoqli vakili Xalil Rahmon Haqqoniy bilan janjallashib qolgan. Hatto ularning tarafdorlari o‘zaro mushtlashib ketgan.

    Bahsga Birodarning Afg‘oniston yangi hukumatining tuzilmasidan noroziligi sabab bo‘lgan. Shuningdek, toliblarning Afg‘onistondagi g‘alabasi kimning sharofati bilan bo‘lgani yuzasidan ham kelishmovchilik kelib chiqqan.

    Birodarning fikricha, o‘zi kabi odamlar tomonidan olib borilgan diplomatiyaga urg‘u berilishi kerak. “Haqqoniy tarmog‘i” guruhi a’zolari esa g‘alabaga jangovar harakatlar tufayli erishildi, degan fikrda.

    Ta’kidlanishicha, aynan Birodar AQSh prezidenti bilan bevosita muzokaralar olib borgan toliblarning tarixdagi birinchi yuqori lavozimli vakili bo‘lgan: 2020-yilda u telefon orqali Donald Tramp bilan gaplashgan. Bungacha u Dohada bitimni imzolab, unga muvofiq Afg‘onistondan Amerika qo‘shinlari olib ketilgan edi.

    “Haqqoniy tarmog‘i”ni esa so‘nggi yillarda Afg‘oniston Qurolli kuchlari va ularning g‘arblik ittifoqdoshlariga qarshi olib borilgan eng qirg‘inbarot hujumlar bilan bog‘lashadi. AQSh hukumati uni terrorchilik tashkiloti deb hisoblaydi. “Haqqoniy tarmog‘i” yetakchisi Sirojiddin Haqqoniy Afg‘onistonning yangi hukumatida ichki ishlar vaziri etib tayinlangan.

    Toliblar o‘rtasidagi kelishmovchiliklar haqida o‘tgan hafta Birodar omma oldiga chiqmay qo‘yganidan keyin mish-mishlar paydo bo‘lgandi. Hatto ijtimoiy tarmoqlarda uning vafoti haqida taxminlar ilgari surilgan.

    Ammo toliblar orasidagi manbalar aytishicha, ziddiyatdan keyin Birodar Kobulni tark etib, Qandahorga jo‘nab ketgan.

    Mavzuga doir: “Tolibon” Afg‘oniston hukumatining yangi tarkibini e’lon qildi

    Yangi afg‘on hukumati mamlakatda kuchli armiya tuzmoqchi

    Afg‘onistonda hokimiyat tepasiga kelgan “Tolibon” harakati mamlakatda muntazam armiya tuzishni rejalashtirmoqda.

    “Yaqin kelajakda biz kuchli va tartibli armiya tuzamiz”, — dedi toliblar kuchlari shtab boshlig‘i Qori Fosihuddin 15-sentabr kuni. Uning so‘zlariga ko‘ra, “ayni paytda armiya yaratish haqida maslahatlashuvlar olib borilmoqda”.

    Avvalroq AQSh davlat kotibi Entoni Blinken o‘tgan 20 yil ichida bu mamlakatda samarali milliy qurolli kuchlarni yaratishga muvaffaq bo‘linmaganini aytgandi.

    Mavzuga doir: Amerikalik harbiylar Afg‘onistonga o‘n minglab avtomobillarini tashlab ketgan

    Qandahorda minglab afg‘onistonliklar toliblarga qarshi namoyishga chiqdi

    Afg‘onistonning Qandahor shahrida minglab aholi “Tolibon”ning buyrug‘iga qarshi chiqdi, deb yozadi Reuters.

    3000 ga yaqin oiladan armiya garnizoni yaqinidagi hududni tark etish so‘ralganidan keyin namoyishchilar Qandahordagi gubernator uyi yoniga yig‘ilgan.

    Ta’kidlanishicha, garnizon hududiga ko‘plab afg‘onlar xususiy uylar qurib olgan. Uy-joylar davlat yerida barpo qilingan va u yerda asosan iste’fodagi armiya generallari va Afg‘oniston xavfsizlik kuchlarining boshqa harbiy xizmatchilari oilalari yashaydi.

    Shu sababli minglab afg‘onlar majburiy ko‘chirib yuborilishga qarshi bosh ko‘tarib, Qandahor ko‘chalariga chiqdi. Odamlar moliyaviy qiyinchiliklardan shikoyat qilib, hatto yegulik sotib olishga puli yo‘qligini aytmoqda.

    Sobiq hukumat amaldori Reuters’ga ma’lum qilishicha, odamlarga bu hududni tark etish uchun uch kun muddat berilgan, shu bilan birga, o‘zlari bilan shaxsiy buyumlarni olishga ruxsat etilmagan. “Tolibon” bu hududga o‘z bo‘linmalarini joylashtirishni rejalashtirmoqda.

    Mavzuga doir: Tojikistonda Panjsher va Afg‘oniston qarshilik frontini qo‘llab-quvvatlab namoyish o‘tkazildi (foto va video)

    AQSh sobiq prezidentlari afg‘onistonlik qochqinlarga yordam berish uchun birlashdi

    AQShning uch nafar sobiq prezidenti — respublikachi kichik Jorj Bush hamda demokratlar Bill Klinton va Barak Obama afg‘onistonlik qochqinlarga yordam berish vazifasini o‘z oldiga qo‘ygan yangi tashkilotga qo‘shildi, deb yozadi Reuters.

    Amerika sobiq yetakchilari va ularning rafiqalari AQSh qo‘shinlari olib ketilganidan keyin Amerikaga evakuatsiya qilingan afg‘onistonlik qochqinlarga yordam berish maqsadidagi Welcome.US notijorat tashkilotlar va biznes-tuzilmalar koalitsiyasi tarkibida ishlaydi.

    Mavzuga doir: NBC: AQShga evakuatsiya qilingan 100 ga yaqin afg‘onistonlikning terrorchilar bilan aloqasi bo‘lishi mumkin

    Facebook Twitter LinkedIn Telegram Email

    So‘nggi yangiliklarga o‘tish

    APL. “Manchester Siti” o‘zida “Nottingem Forest”ni mag‘lub etdi, “Manchester Yunayted” safarda minimal hisobda g‘alaba qozondi (video)

    Bugun, 02:15

    A Seriya. “Milan” Verona klubi ustidan minimal hisobda g‘alaba qozondi, “Yuventus” 6 ta gol urilgan o‘yinda mag‘lubiyatga uchradi (video)

    Bugun, 01:23

    Bundesliga. “Bavariya” raqib darvozasiga javobsiz 7 ta gol urdi, “Borussiya D” Roysning yagona goli evaziga “Volfsburg”ni mag‘lub etdi (video)

    Bugun, 01:06

    La Liga. “Barselona” “Selta”ga qarshi bahsda superkambek amalga oshirib, g‘alabani ilib ketdi (video)

    Kecha, 23:29

    Afg‘oniston Turkmaniston bilan yangi chegara postini qurmoqchi

    Kecha, 22:33

    “Birinchi raqamli davlat dushmani”: Atlantika uzra yolg‘iz parvoz, o‘lgan o‘g‘il uchun to‘lov va natsistlar qaramog‘iga tushgan afsonaviy uchuvchi — Charlz Lindber...

    Kecha, 22:25

    Captiva-2024 narxlari haqida tarqalgan maʼlumotlar soxta ekani maʼlum bo‘ldi

    Kecha, 22:20

    O‘zbekistonliklar Germaniyaga 6 ta soha bo‘yicha ishga taklif qilinmoqda. Maosh — 2,4 ming yevro

    Kecha, 22:09

    Superliga. “Andijon” Vodiy derbisida “Navbahor”ni mag‘lub etdi, “OKMK” 6 ta gol urilgan o‘yinda “Metallurg”ga imkoniyatni boy berdi

    Kecha, 21:54

    O‘zbekistonda kadrlarni boshqarishga oid hujjatlar yagona platformada yuritiladi

    Kecha, 21:38

    Tavsiya etamiz

    “Birinchi raqamli davlat dushmani”: Atlantika uzra yolg‘iz parvoz, o‘lgan o‘g‘il uchun to‘lov va natsistlar qaramog‘iga tushgan afsonaviy uchuvchi — Charlz Lindber...

    22:00 / 23.09.2023

    “Kasallangan bolalarning 143 nafari tuzalgan”. Vazir o‘rinbosari Namangandagi zaharlangan bolalar soniga aniqlik kiritdi

    15:00 / 23.09.2023

    Bosh vazir iste’fosini talab qilayotganlar, sotuvga chiqqan iPhone 15, AQSHga kelayotgan rekord darajadagi migrantlar — 22-sentabr suratlari

    22:00 / 22.09.2023

    “Dok-1 Maks” ishi: 33 ming dollar oldi-berdisida vositachilik qilgani aytilgan ayblanuvchiga qamoqqa olish tarzidagi ehtiyot chorasi qo‘llandi

    15:00 / 22.09.2023

    MOLIYA

    Pul

    “Oltin vasvasasi”: Nima uchun Markaziy Osiyo davlatlari oltinga pul tikmoqda?

    17:00 / 22.09.2023

    Oltinga investitsiya kiritish ishonchlimi?

    20:00 / 21.09.2023

    O‘zbekiston uran qazib olish bo‘yicha dunyoda 5-o‘rinda. Asosiy ko‘rsatkichlar

    16:00 / 15.09.2023

    Mehnat daftarchasi yo‘qolsa, qanday qilib pensiyaga chiqish mumkinligi tushuntirildi

    14:00 / 09.09.2023

    Ko‘p o‘qilganlar

    O‘zbekistonliklar Germaniyaga 6 ta soha bo‘yicha ishga taklif qilinmoqda. Maosh — 2,4 ming yevro

    22:00 / 23.09.2023

    “Dori vositalari yoki ovqatdan zaharlanish emas” — Elmira Bositxonova Chustdagi voqea haqida

    13:00 / 23.09.2023

    Turkiyada o‘zbekistonlik ayol bo‘g‘izlab o‘ldirildi (video)

    12:00 / 23.09.2023

    Saudiya Professional Ligasi. “An-Nassr” 7 ta gol urilgan o‘yinda “Al-Ahli” ustidan g‘alaba qozondi, Ronaldudan dubl (video)

    01:00 / 23.09.2023

    Turkiyada o‘zbekistonlik ayol bo‘g‘izlab o‘ldirilgani yuzasidan rasmiy ma’lumot berildi

    19:00 / 23.09.2023
    About Us

    “Daryo” internet-nashrining (O‘zbekiston matbuot va axborot agentligi (O‘zMAA, hozirgi O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi) tomonidan 13.03.2015 yil sanasida 0944-sonli guvohnoma bilan ommaviy axborot vositasi sifatida ro‘yxatga olingan. Matnli materiallarni to‘liq ko‘chirish yoki qisman iqtibos keltirishga, shuningdek, fotografik, grafik, audio va/yoki videomateriallaridan foydalanishga “daryo.uz” saytiga giperhavola mavjud bo‘lgan va/yoki “Daryo” internet-nashrining muallifligini ko‘rsatuvchi yozuv ilova qilingan taqdirda yo‘l qo‘yiladi. Chop etiladigan ba’zi ma’lumotlar 18 yoshga to‘lmagan foydalanuvchilarga mo‘ljallanmagan bo‘lishi mumkin. Info@daryo.uz

    © «Simple Networking Solutions» MChJ, 2013–2023

    Yosh bo‘yicha cheklov

    Xato topdingizmi? Ctrl+Enter’ni bosing

    Nimani qidiramiz?