Дунёдаги имкон бўлиши билан бориб кўришга арзийдиган 7 та хушманзара маскан (фото)

Шуни айтиш мумкинки, замонавий дунёда саёҳат энди ҳашамат эмас, балки ҳаётнинг бир қисмига айланиб улгурди. Қолаверса, ҳамма саёҳатчиларнинг умумий жиҳатлари бор: улар иложи борича кўпроқ янги ҳудудларни ўрганишни истайди. Қуйида имкон бўлиши билан саёҳат қилишга арзийдиган масканлар суратини эътиборингизга ҳавола этамиз.

Шотландиядаги Махри Мур тош майдони

Махри Мур – Шотландиядаги Арран оролида жойлашган 6 та тош доиранинг номи. Стоунхенжга ташриф буюришни орзу қилганлар бўлса, ўз тарихига эга, аммо унчалик машҳур бўлмаган альтернативни бориб кўриш мумкин. Айтганча, бу ерда сайёҳлар камроқ.

Табиий чакалакдан лабиринт, Лонглит қўрғончаси, Англия

Лонглит энг узун чакалак лабиринтларидан бири ҳисобланади. Унинг узунлиги 2,7 км, 16 минг дона бутадан иборат. Баландлиги 2,5 метрга яқин, буталар марказий кузатув минорасини ўраб олади. Ҳар бир меҳмон лабиринтдан чиқиш йўлини тезда топа олмайди. Фақат 6 та баланд кўприк йўл кўрсаткич сифатида хизмат қилади. Бу ерда адашиш жуда осон.

Баган, Мьянма

Қадимий шаҳар ўрнида жойлашган тарихий ҳудудда 2 мингдан зиёд ибодатхона, пагод ва монастир мавжуд. Ибодатхоналар мармар, оҳактош ва қумтошдан қурилган. Улар бир-бирига ўхшамайди. Баган IX-ХIII асрларда бутпараст қиролликнинг пойтахти бўлган. Аммо мўғулларнинг босқини охир-оқибат бутпарастликнинг қулашига олиб келди. Вақт ўтиши билан бу ҳудуд буддистларнинг зиёратгоҳига айланди. 2019 йилда Баган ЮНЕСКОнинг Жаҳон мероси рўйхатига киритилган. Бу мамлакатда фақат туризм кучайиб бормоқда. Шунинг учун энди бу масканни биринчилардан бўлиб зиёрат қилиш учун имконият бор.

Бокоди кўли, Венгрия

Кичкина балиқчилар қишлоғи камчиликка маълум бўлган Бокоди кўлида жойлашган. Бу жой Венгрияда, Будапешт яқинида. Илгари балиқчилар уйларда яшар эди, энди у ер ёзги дам олиш масканига ўхшайди, баъзида меҳмонлар ташриф буюради. Барча уйлар пойдевор устида, бинолар орасида тор йўлаклар бор. Ҳамма нарса инсонни романтик муҳитга олиб киради.

Серф Сноудония боғи, Уэльс

Сeрф Сноудония – бу 2015 йилда очилган янги боғ. Унинг бошқа боғлардан асосий фарқи шундаки, унда сунъий кўл яратилган. Кўл ҳудудида қурилган тизим баландлиги 2 метргача бўлган тўлқинни яратишга имкон беради, у деярли 150 метрдан ошади ва буларнинг барчаси инсон қўли билан амалга оширилади. Шу билан бирга, сув ҳавзасида машғулот ўтказиш ёки шунчаки ўйин-кулги билан шуғулланиш мумкин.

Ўлмаслар кўприги, Хитой

Ўлмаслар кўприги ХХ аср охирида Хуаншан тоғ тизмасида қурилган. У ерга бориш ҳақиқий саргузашт, чунки кўприкка борадиган йўл ёғоч ва тахталардан ясалган тор йўлак. Ҳозирча кўприк қурилиши ҳақида ҳеч қандай маълумот йўқ. У тошларга ўйилган иккита кичик туннелни боғлайди. Кўприкнинг кенглиги атиги 2 метр, лекин бу йўлдан юриш учун жасоратли бўлиш керак. Саёҳатчилар бу ҳақиқатан ҳам хавфли, аммо сеҳрли жой эканлигига ишонишади.

Тобизин бурни, Владивосток

Бу Тобизин бурни. У Приморский ўлкасида жойлашган. Тош ёнбағирлари ва ўтлар билан қопланган йўллар, бурунга олиб боради. Очиқ майдон туфайли совуқ шамоллар бу ерда тез-тез эсади. Тобизин бурни – оролнинг энг жанубий чеккаси. Бу ердаги қоялар 50 метр баландликка етади. Тобизин Владивостокдан бир соатлик йўл. Айтганча, бурунга олиб борадиган бир неча маршрутлар бор. Улардан бири тик ва хавфли зич ўрмондан ўтади.