Поездга ўтириб, узоқ саёҳатларга чиқиш истагини уйғотувчи суратлар

Йилига 1,8 миллиард одам поезддан фойдаланади. Кечаси йўлга чиққан аксари йўловчилар ғилдиракларнинг шовқини, ухлаш билан боғлиқ ноқулайликлардан шикоят қилади. Аммо технологиялар ривожлангани сайин ишлаб чиқарувчилар имконияти кенг ва мижозларга максимал даражада қулай вариантларни тақдим қилмоқда.

Швециянинг тунда ҳаракатланадиган поезди

Локомотив поездлар мамлакатнинг шимолий ва жанубий қисмлари ўртасида қатнайди. Қуйидаги суратда эса йўловчиларни жойлаштиришнинг тўртдан бир варианти келтирилган. Унда бир купеда 6 та ётоқ борлигини кўриш мумкин. Хавфсизлик мақсадида тунда камар ва сетка махсус маҳкамланади.

Поезднинг ҳаракатланиш жадвали манзилга нонушта вақтигача етиб боришга мўлжалланган. Йўловчилар ўтиришига қулай бўлиши учун ётоқ ўринлари куннинг ёруғ қисмида йиғилади. Аёллар, эркаклар ёки аралаш бўлимларни танлаш имконияти ҳам мавжуд. Жойни олдиндан банд қилиш киши бошига 20 доллар турадиган поездда унча катта бўлмаган ресторан борлигига ҳам гувоҳ бўлиш мумкин: иш вақти соат тонгги 05:00 дан кечки 23:00 гача. Швеция бўйлаб поездда саёҳат қилиб, ойна ортидаги бетакрор манзарани томоша қилиш, масалан, Хелсингборггача бўлган манзилда шундай ажойиб гўзалликка гувоҳ бўлиш мумкин. Йўл давомида кутилмаган ҳолатлар ҳам юз бериши эҳтимолдан холи эмас.

Япониянинг Sunrise Izumo ва Sunrisa Seto поездларининг Нобиноби кечки вагонлари

Тахминан, 12 соат ичида 950 км масофани босиб ўтадиган поезд бир неча турдаги, ётоғи бор вагонлар ҳам мавжуд. Саёҳат қаердан бошлаб қаерда тугашидан қатъи назар, ётоқ жойини банд қилиш нархи ўзгармайди.

Аммо шунга қарамай, босиб ўтилган йўл масофасига боғлиқ бўлган асосий ва экспресс-чипта бўлиши керак. Вагонда сиз-у бизга учун одатий бўлиниш йўқ, ўтиш жойидан иккита ётоқхонага кириш имкони мавжуд.

Хитойнинг вагон-купеси

Хитой ҳудудида турли компанияларга қарашли кўплаб поездлар ҳаракатланади. Сўнгги вақтларда ётоқлари ўтиш йўллари бўйлаб икки тарафда жойлашган вагонли поездлар машҳурликка эришган.

Бу йўловчиларнинг ҳар бирига максимал даражада қулай жой ташкил қилиш имконини беради. Қолаверса, йўлакларнинг кенглигидан ҳатто катта чамадон билан ҳам бемалол юриш мумкин. Айрим саёҳатчилар бундай поездларда тамбур йўқлигини таъкидлайди. Шунга қарамай, CRH1E поездларида одатий 4 кишилик, қолаверса, телевизори бор купеларни учратиш мумкин. Вагон ойнасидан гуруч етиштириладиган кенг майдонларни томоша қилиб кетса бўлади.

Австриянинг кечки Nightjet поезди

Австриядан бошқа мамлакатларга саёҳат қилиш учун 4 киши учун мўлжалланган ётоғи бор вагон айни муддао ҳисобланади. Йўловчилар шифтига қорли пурвиқор тоғлар сурати туширилган, ранг-баранг купелардан ташқари, декорациясиз оддий вариантларни ҳам танлаши мумкин.

Ҳар бир купесида ванна ва ҳожатхонани ўз ичига оладиган поездда нонушта — қаҳва ёки чой, сариёғ ёки мурабболи бир дона булочка, шунингдек, минерал сув ҳам чипта тўловининг ичига кириб кетади. Таъбга қараб таомномадан бошқа таом ёки егуликни буюртма қилса бўлади, фақат бунинг учун қўшимча маблағ тўланади

Испаниянинг Trenhotel кечки поезди

Юқори сифатли мазкур кечки поезд узоқ сафарлар учун мўлжалланган.

Ғилдиракларнинг бир маромда ҳаракатланиши вақтида уйғониш ва вагондаги ресторанда нонушта қилиш кишига ўзига хос завқ беради.

Италия ва Франция ўртасида қатновчи Thellо компанияси томонидан тақдим қилинган поездлар

Париж, Дижон, Милан ва Венеция сингари шаҳарларни ўз ичига олган Франция ҳамда Италия ўртасида қатнайдиган поездда 4 кишилик ҳамда 6 кишилик купелар мавжуд. Кундуз куни ётоқларни ўриндиқ ҳолига келтириш мумкин.

Thellо компанияси, шунингдек, қулайликни афзал биладиган йўловчиларга шахсий ҳожатхонаси бор премиум классдаги купелардан фойдаланишни ҳам таклиф қилади. Париж — Венеция йўналиши бўйлаб тўлиқ ресторанни ўз ичига оладиган энг қулай кечки поездлар ҳаракатланади.

Англиядан Шотландияга қатнайдиган поезд

Мазкур поезд ҳафтада 6 кеча Лондон ва Шотландия ва Шотландиядан Лондон бўйлаб ҳаракатланади. Чипта қайси классга олинганига қараб унга 1 ёки 2 киши жойлашиши мумкин.

Барча хоналарда телефон қувватлагич, ухлаш учун керакли жиҳозлар ҳамда раковина мавжуд. Биринчи класс йўловчиларининг нонуштаси чипта нархининг ичига кириб кетади.

Россиянинг янгиланган плацкартали вагонлари

54 кишига мўлжалланган поезднинг ҳар бир купесида тўртта йўловчи учун жой мавжуд. Унда ёғочдан ишланган ва тешиклари мавжуд панелдан тепа қаватга зинапоя сифатида фойдаланиш мумкин. Ҳар бири киши учун алоҳида розетка, USB-порти борлиги янада қулайлик келтириб чиқаради. Поезд ҳаракатланганда ва тўхтаганда тўкилиб келмаслиги учун столга ичимлик қўйиш учун махсус чуқурчалар мавжуд.