Эрон Атом энергияси халқаро агентлиги (МАГАТЭ) инспекторларига мамлакат ядро объектларидаги кузатув камералари хизматларини кўрсатиш ва уларни кузатишга рухсат беради. Ушбу қарор Теҳронда МАГАТЭ бош директори Рафаэл Гросси ҳамда Эрон атом энергияси ташкилоти раҳбари Муҳаммад Исломий ўртасидаги учрашувда қабул қилинган, дея хабар берди «Коммерсантъ».
«Учрашувда томонлар ўзаро ишонч руҳидаги ҳамкорлик ниҳоятда зарур эканини эслатиб ўтишди ва конструктив мулоқот муҳитида муҳим қарорлар чиқариш кераклигини таъкидлади»,— дейилади МАГАТЭ хабарида. Шунингдек, томонлар ҳамкорликни давом эттирган ҳолда тез-тез учрашувлар ўтказиб туришни келишиб олган.
«Ушбу мақсадларни амалга ошириш учун вице президент ҳамда Эрон атом энергияси ташкилоти раҳбари МАГАТЭ бош директори билан тез орада бўлиб ўтадиган халқаро конференция вақтида учрашади, шунингдек, МАГАТЭ бош директори яқин келажакда Теҳронга келади ва бу ерда мамлакат ҳукумати миқёсида юқори даражадаги маслаҳатлашувлар ўтказилади»,— дейилади МАГАТЭ ахборотида.
Августда Reuters агентлиги МАГАТЭдаги манбага асосланиб, Эроннинг май ойида Натанздаги ядро объектида центрифугани такомиллаштириш ва уранни 60 фоизга бойитиш учун бир-бирига кетма-кет уланган битта тизмадан фойдаланган бўлса, энди тизмалар сони иккитага етганини хабар қилган. Эрон Натанздаги IR-6 164 та центрифугага эга. Энди IR-4 иккинчи тизмасида 153 та центрифуга қурилмаси мавжуд. Эрон аввал ҳам ядро дастурини ривожлантиришда давом эттириш нияти борлигини яширмаган.
Июнь ойида Эроннинг МАГАТЭга ўз ядро объектлари бўйича маълумотларни узатишни тўхтатиши хабар қилинганди.
Изоҳ (0)