Қозоғистоннинг жанубида 11 сентябрь куни Тошкент вақти билан соат 11:51 да зилзила содир бўлди.
ФВВ Сейсмопрогностик мониторинг Республика маркази хабарига кўра, ер силкиниши эпимаркази Тошкентдан 33 километр шимоли–ғарбда жойлашган бўлиб, ўчоғи 15 километр чуқурликда, магнитудаси 3,6 га тенг бўлган.
Сейсмопрогностик мониторинг Республика марказининг таъкидлашича, зилзила Ўзбекистонда сезилмаган, бироқ ижтимоий тармоқларда ўзбекистонликлар, хусусан, Тошкентда яшовчилар зилзилани сезганини маълум қилган.
Мамлакатда сўнгги марта зилзила роппа-роса 1 ой аввал, 11 августда қайд этилганди.
Изоҳ (0)