Хорижий корхона маблағларини талон-торож қилган собиқ ҳисобчисининг кирдикорлари фош бўлди, дея хабар қилмоқда Бош прокуратура ҳузуридаги департамент ахборот хизмати.
Қайд этилишича, департамент томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда, «С.Л.» МЧЖ шаклидаги хорижий корхонанинг собиқ бош ҳисобчиси Н.Й. 2020 йил ва 2021 йилнинг ўтган 5 ойида корхонанинг жами 8,7 миллиард сўм маблағини ўзининг шахсий пластик картасига ўтказиб талон-торож қилган.
Шунингдек, жиноий йўл билан орттирган даромадига қонуний тус бериш мақсадида 478 726 АҚШ доллари харид қилиб, шундан 214 926 АҚШ долларини Москва шаҳридаги банкоматлардан нақдлаштириб олиб, жиноий фаолиятдан олинган даромадларини легаллаштиргани аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 243-моддаси (жиноий фаолиятдан олинган даромадларни легаллаштириш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Бухорода фуқаро уйидан 3000 доллар ҳамда 36,7 млн сўмлик тилла тақинчоқлар ўғирлаган хавфли рецидивист қўлга олинди
- Навоийда қишлоқ хўжалиги маҳсулоти захираси учун ажратилган 2,5 млрд сўмлик кредит маблағи талон-торож қилингани аниқланди
- Халқ таълими тизимида олти ойда 65,1 млрд сўмлик ўзлаштириш ва камомад аниқланган
Изоҳ (0)