«Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) фаолиятини такомиллаштириш чора-тадбирлари тўғрисида»ги Президент фармони қабул қилинди.
Фармонга кўра, омбудсманнинг жойларда доимий асосда ишловчи минтақавий вакиллари лавозимлари жорий қилинади.
Омбудсман минтақавий вакиллари, жумладан:
- инсон ҳуқуқлари, эркинликлари ва қонуний манфаатларига риоя этилишини таъминлайди, инсон ҳуқуқлари мониторингини ташкил этади ва ўтказади;
- фуқароларнинг шикоятларини қабул қилади ва кўриб чиқади, уларнинг бузилган ҳуқуқларини тиклашда кўмаклашади.
Фармонга кўра шунингдек, янги «Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) тўғрисида»ги қонун лойиҳаси ишлаб чиқилади.
Бундан аввал Ўзбекистонда болалар омбудсмани лавозими таъсис этилгани ҳамда Ўзбекистон Президенти қарори билан омбудсман ҳузурида қийноқларни аниқлаш бўйича гуруҳ ташкил этилиши ҳақида хабар берилганди.
Изоҳ (0)