Кам маҳсулотдан тайёрланадиган 3 хил паста рецепти

Тушлик ва кечки овқат учун айни муддао бўлган мазали таом оила аъзоларингизга ёқиши аниқ.

Қовоқча ва пишлоқ қўшиб тайёрланадиган паста

Керакли маҳсулотлар:

• спагетти хамири;
• қовоқча — 1-2 дона;
• суюқ пишлоқ.

• Қайнаб чиққан тузли сувда пастани пишириб олинг.
• Сомонча шаклида тўғралган қовоқчани саримсоқ қўшиб қовуринг.
• Пишган хамирни қовоқчага қўшиб, устига бир-икки қошиқ сув қўшинг.
• Устига пишлоқ қўшиб, яхшилаб аралаштиринг.
• Дастурхонга тортишдан аввал райҳон билан безанг.

Керакли маҳсулотлар:

• спагетти хамири;
• помидор — 200 г;
• моллюска — 500 г.

• Бўлакларга бўлинган помидорни ўсимлик ёғи солинган товада саримсоқ қўшиб қовуриб олинг.
• Туз, кейин эса моллюска қўшинг.
• Пишириб олинган хамирни товага қўшинг.
• Дастурхонга тортишдан аввал лимон шарбати қўшинг ва кўкатлар билан безанг.

Керакли маҳсулотлар:

• спагетти хамири;
• помидор — 400 г;
• балиқ (тунец ёки бошқа балиқдан ҳам тайёрлаш мумкин).

• Ўртасидан бўлинган помидорга ўсимлик ёғи, туз ва саримсоқ қўшинг.
• Қирғичдан чиқарилган лимон пўстини қўшиб, 100 даража қизиган печда пишириб олинг.
• Пишириб олинган пастага сабзавотларни қўшинг.
• Балиқни ҳам қўшиб аралаштиринг.
• Таомни кўкатлар билан безашни унутманг.