Qiymaga anor sousi qo‘shib, baqlajondan antiqa yegulik tayyorlaymiz

Sarimsoq va turli ziravorlar qo‘shib tayyorlangan nachinka pechda pishgan baqlajon ta’mining yanada mazali bo‘lishiga hissa qo‘shadi.

Kerakli mahsulotlar:

• baqlajon — 3 dona;
• zaytun yog‘i — 4—5 qoshiq;
• sarimsoq piyoz — 4 dona;
• qiyma — 500 g;
• yong‘oq — 80 g;
• tuz, murch;
• anor sousi — 80 ml.

• Uzunasiga yarmidan bo‘lingan baqlajonlarning ustini pichoq bilan to‘r shaklida tilib chiqing.
• Sabzavot ustiga 2—3 qoshiq yog‘ surtib, 180 daraja qizigan pechga 30 daqiqaga qo‘ying.
• Yog‘ solingan tovada maydalangan piyoz, keyin esa sarimsoq solib qovurib oling.
• Qiyma qo‘shing va yaxshilab qovurishda davom eting.
• Taxminan, 10 daqiqadan keyin maydalangan yong‘oq, tuz, anor sousi va murch qo‘shing.
• Aralashtiring va yana 5 daqiqa pishiring.
• Pechdan baqlajonlarni oling, sanchqi bilan ustini biroz ezing va qovurilgan qiymadan solib chiqing.
• Istalgan sous bilan qo‘shib yeyishingiz mumkin.