Ўзбекистонда ҳафтанинг иккинчи ярмида ҳаво ҳарорати пасайиши кутилмоқда

Ўзбекистон аҳолисини 6—7 сентябрь куни ҳаво ҳарорати 34-39 даража атрофида бўлган илиқ ва қуруқ об-ҳаво қувонтиради, деб ёзмоқда «Ўзгидромет».

Қайд этилишича, 8 сентябрда республика шимолига антициклон кириб келиши бошланади, антициклон Волгабўйи ҳудудларидан салқин ҳавони олиб келади. 9—10 сентябрда салқин ҳаво массаси Ўзбекистоннинг барча ҳудудларини қамраб олади.

Республика бўйича, асосан, ёғингарчиликсиз об-ҳаво бўлиши кутилмоқда. 8 сентябрь, чоршанба куни республика ҳудудининг кўп қисмида ҳарорат 32-37 даража бўлган илиқ об-ҳаво сақланиб туради, фақат шимолий вилоятларда ҳарорат 25-30 даражагача пасаяди.

9—10 сентябрда Ўзбекистоннинг барча ҳудудларида ҳаво салқинлашади. Жума кунига келиб ҳаво ҳарорати кечалари ва эрта тогда 12-17 даражагача, кундуз кунлари 23-28 даражагача пасаяди, бу ўртача кўп йиллик қийматлардан 2-4 даражага пастдир.

8—10 сентябрда ҳаво массасининг ўзгариши Ўзбекистоннинг кўпчилик вилоятларида шамол тезлиги 17-22 метр/секундгача кучайиши билан кузатилади.

6—7 сентябрда республиканинг шимолий ва чўл ҳудудлари бўйича шамол тезлиги 15-20 метр/секундгача кучайиши мумкин.

Эслатиб ўтамиз, Ўзбекистонда кузнинг дастлабки ҳафтасида иссиқ ва қуруқ ҳаво кузатилди.