Сирдарё вилояти Боёвут тумани ҳокимининг ўринбосари — маҳалла ва оилани қўллаб-қувватлаш бўлими бошлиғи Саодат Мирзаева 51 ёшида вафот этди. Бу ҳақда туман ҳокимлиги ахборот хизмати томонидан марҳуманинг яқинларига йўллаган таъзияномасига таяниб, «Сирдарё хабарлари» маълум қилди.
Саодат Мирзаева 1969 йил 11 ноябрда Боёвут туманида туғилган. Меҳнат фаолияти давомида мактабгача таълим, умумий ўрта таълим мактабларида тарбиячи, ўқитувчи, мактаб директорининг маънавий-маърифий ишлар бўйича ўринбосари лавозимларида фаолият юритган.
2020 йил 26 июндан ҳозирги вақтгача Боёвут тумани ҳокимининг ўринбосари — маҳалла ва оилани қўллаб-қувватлаш бўлими бошлиғи лавозимида ишлаб келаётган эди.
Ҳокимлик таъзияномасида Саодат Мирзаеванинг ўлими билан боғлиқ сабаблар очиқланмаган. Нашрнинг таъкидлашича, марҳума сўнгги кунларда оғир дард билан курашиб келган ва даволанишда бўлган.
Аввалроқ Хўжаобод ҳокимининг биринчи ўринбосари Икром Тешабоев юрак хуружи ва пневмониядан, Ёшлар ишлари агентлиги бошқарма бошлиғи Мансурбек Машарипов 38 ёшида, Олмазор тумани ҳокими Абдумажид Муллажонов 51 ёшида вафот этгани тўғрисида хабар берилганди.
Изоҳ (0)