9 сентябрь куни Шавкат Мирзиёев тадбиркорлар ва ишбилармонлар ҳаракати – Ўзбекистон либерал-демократик партияси қурултойида иштирок этади. Бу ҳақда президент матбуот котиби Шерзод Асадов 6 сентябрь, душанба куни бўлиб ўтган брифингда таъкидлади, деб хабар бермоқда «Дарё» мухбири.
6 сентябрь куни фармацевтика саноатида ва Тошкент шаҳрида амалга оширилаётган лойиҳалар тақдимоти ўтказилиши режалаштирилган.
Шунингдек, ҳафта давомида стратегик соҳалардаги инвестиция лойиҳалари, «1 миллион дастурчи» лойиҳасининг ижроси, Президент мактаблари ва ихтисослашган мактаблар фаолияти бўйича тақдимотлар ўтказилиши кўзда тутилган.
Бундан ташқари, давлат раҳбари Паралимпия ўйинлари совриндорлари билан учрашиши ҳам мўлжалланмоқда.
«9 сентябрь куни Шавкат Мирзиёев тадбиркорлар ва ишбилармонлар ҳаракати – Ўзбекистон либерал-демократик партияси қурултойида иштирок этади», — дейди Шерзод Асадов.
Эслатиб ўтамиз, 12 август куни Шавкат Мирзиёев Токио Олимпиадасида иштирок этган спортчилар, уларнинг ота-оналари ва мураббийлари билан учрашган, 20 август куни эса Тошкент шаҳридаги Ўзбекистон халқаро анжуманлар саройида Президент Шавкат Мирзиёевнинг тадбиркорлар билан очиқ мулоқоти бўлиб ўтганди.
Изоҳ (0)