6 сентябрь куни Ўзбекистондаги 10 083 та умумтаълим мактабида анъанавий шаклда дарслар бошланди. Бу йил мактабларнинг 1-синфига 600 мингга яқин бола қабул қилиниб, уларга 12 турдаги ўқув қуроллари, мактаб сумкаси, дарсликлар мажмуасидан иборат Президент совғалари топширилди, деб хабар беради Халқ таълими вазирлиги.
Маълум қилинишича, 2021 йилда «Биринчи қўнғироқ» тадбирлари «Янги Ўзбекистонда эркин ва фаровон яшайлик!» шиори остида ташкил этилган бўлиб, унда мактабларнинг кўзга кўринган битирувчилари, тадбиркорлар ҳамда давлат идоралари раҳбарлари ҳам иштирок этган.
«Билимлар куни» мактабларда «Мустақиллик дарс»лари билан бошланиб, унда Ўзбекистон мустақиллиги даврида эришган ютуқлари ҳақида ўқувчиларга сўзлаб берилади.
Эслатиб ўтамиз, маълум сабабларга кўра, мактабга бора олмаган болалар учун параллел равишда «Онлайн мактаб» лойиҳаси доирасида МТРК телеканаллари орқали ҳам уйдан таълим олишга имконият яратилган.
Бундан аввал Ўзбекистонда ўқувчи қизларнинг мактабга рўмол ўраб келишига рухсат берилгани ҳақида хабар берилганди.
Изоҳ (0)