Давоми: Видео: UzAuto Motors монополиясига қарши деворий суратни ўчиришга уринишди, бироқ ўчира олишмади
Мазкур стрит-арт намунаси эски Америка элчихонаси, Чилонзор савдо маркази яқинида чизилган эди. Унда Ўзбекистондаги автосалонларда машина харид қилиш учун юзага келаётган узундан узоқ навбат тасвирланганди. Навбат бошида турган инсоннинг қизил бош кийими «шапка» тизимига ишора қилади.
Таъкидлаш керакки, UzAutoСавдо маълумотларига кўра, айни вақтда Lacetti харид қилиш учун навбатда турганлар сони 31 мингга, Cobalt учун 11 мингга етган.
Аввалроқ @inkuzart Тошкентдаги бинолар деворларини коронавирус пандемияси мавзусидаги граффитилар билан безаётгани тўғрисида хабар берилганди.
2020 йилнинг ёзида Абдураҳмон Чилонзор туманидаги даҳаларни турли тасвирлар билан «бойитиш» ниятида эканини маълум қилганди. «Чилонзорни галереяга айлантирмоқчиман. Кейин эса бошқа туманлар, шаҳарлар, мамлакатлар ва қитъаларга ўтаман», — деган эди ўшанда.
Унинг сўзларига кўра, Чилонзор кўчаларида санъатга жой топиш қийин. Қонунчиликка кўра турар жой биноларининг деворларига чизишга рухсат берилмаган.
Изоҳ (0)