Ёзги трансферлар вақтида Лионель Месси ва Криштиану Роналдунинг бошқа жамоаларга ўтишидан бошқа кутилмаган воқеа содир бўлмаса керак деб ўйланганди. Аммо «Ньюкасл» кутилмаган юриш қилди — инглиз клуби Мексика ёшлар терма жамоасининг 19 ёшли футболчиси Сантьяго Муньосни ижарага олди.
Исм танишми? «Гол» трилогиясининг биринчи қисмида мексикалик Сантьяго Муньес ўз орзусини амалга ошириб, профессионал футболга қадам қўяди. Англиянинг «Ньюкасл» жамоаси уни ўз сафига қўшиб олади. Аввал фильмлар реал воқеаларга асосланган бўлса, энди ҳаётнинг ўзи санъатдан илҳомланишига тўғри келди.
Фильмдаги мексикалик қаҳрамон Лос-Анжелесда яшаб, ўша ерда ишлаган бўлса, реал ҳаётдаги Муньос ҳам АҚШда истиқомат қилган. У Американинг Техас штатида таваллуд топган, кейинчалик қўшни шаҳар Сьюдад-Хуаресга кўчиб ўтган. Сьюдад-Хуарес Мексикада жойлашган. Сантьяго ҳар куни чегарадан ўтиб, Америка футбол мактабига қатнар эди.
Ҳа, АҚШ терма жамоасига таклиф қилинганман. Жамоа вакиллари билан гаплашгандим, кейин бу масалани оилам билан ҳам муҳокама қилдим. Бу бизга қизиқ туюлди. Ҳозир ўзим учун ҳеч қайси эшикларни ёпмоқчи эмасман. Мексика терма жамоаси биринчи бўлиб таклиф қилди, жамоа учун ўйнаш менга ёқади. Лекин ҳозирча қайси миллий терма жамоада ўйнашим ҳақида қарор қабул қилмадим.Ҳозирда футболчи Мексика ёшлар терма жамоасида ўйнайди. У жамоа билан ёшлар ўртасидаги 2019 йилги ЖЧда кумуш медални қўлга киритган (битта гол урган), КОНКАКАФ—2019 да эса ғалаба қозонган (ушбу мусобақада 5 та гол урди) ва 2020 йилги Олимпия саралашидаги ғалаба.Сантьяго Муньос
Муньос 2020 йилнинг октябрь ойидан бошлаб Мексиканинг «Сантос Лагуна» жамоасида ҳаракат қилиб келади ва 13 ўйинда 3+3 очко тўплашга муваффақ бўлди. «Ньюкасл» эса февралдан буён Муньоснинг ўйинини кузатиб келаётганини тан олади.
«Ньюкасл» мухлисларининг ҳафсаласи пир бўлди — жамоа муваффақиятсиз трансфер ойнасини шу тариқа оқлашга уриняпти деб ҳисоблашмоқда
Ҳазиллашиб айтилган гап ҳақиқий қизиқишни келтириб чиқарди. «Ньюкасл» мухлисларининг бу янгиликдан ҳафсаласи пир бўлди. Улар клубнинг ушбу трансфер ойнасидаги ҳаракатидан норози бўлган: фақатгина «Арсенал»дан Жо Уиллок 25 миллион фунт эвазига харид қилинди.Қуйида жамоа мухлисларининг энг қизиқарли изоҳлари келтирилади:
- «Фожиали трансфер ойнасини медиа ва мухлислардан яшириш учун қилинган PR-юриш. 2009 йилда ҳам жамоа нашрлар ва мухлисларни алдаганди. Ҳеч нарса ўзгармабди».
- «У билан шунчаки ҳазил учун шартнома имзоланганига ишонгим келмайди».
- «Мексикаликман. Муньос — яхши футболчи, лекин унинг даражаси ҳали АПЛ даражасига жавоб бермайди деб ҳисоблайман. Аввалига бошқа лигада тажриба ошириб, кейинчалик Англияга келганда бўлармиди? Мексикадан тўғридан-тўғри Англияга ўтиш — жиддий қадам».
«Тинчланинг, ‘Ньюкасл’ мухлислари, йигитча ўйнай олади. Биз U-17 жамоаси билан Жаҳон Чемпионатида иккинчи ўринни эгаллаганимизда у Мексиканинг энг яхши футболчиси бўлган, 18 ёшида Олимпияда U-23 саралашида ўйнаган. Ҳа, исм ҳам ёрдам беради, лекин йигитча ҳақиқатан ҳам яхши ўйнайди».
Сантьяго «Ньюкасл» академиясига қабул қилинди. У асосий таркибга ёшлар жамоасидан ўтиб бориши керак бўлади. Бу кўпроқ маркетинг юришига ўхшаб қолган бўлса-да, Муньос имкониятга эга бўлиши аниқ.
Ҳозирча эҳтиёткорлик билан бир нарсани эслатиб ўтиш керак: «Гол» фильмининг давомида Муньос «Реал»га ўтади.
Изоҳ (0)