Yozgi transferlar vaqtida Lionel Messi va Krishtianu Ronalduning boshqa jamoalarga o‘tishidan boshqa kutilmagan voqea sodir bo‘lmasa kerak deb o‘ylangandi. Ammo “Nyukasl” kutilmagan yurish qildi — ingliz klubi Meksika yoshlar terma jamoasining 19 yoshli futbolchisi Santyago Munyosni ijaraga oldi.
Ism tanishmi? “Gol” trilogiyasining birinchi qismida meksikalik Santyago Munyes o‘z orzusini amalga oshirib, professional futbolga qadam qo‘yadi. Angliyaning “Nyukasl” jamoasi uni o‘z safiga qo‘shib oladi. Avval filmlar real voqealarga asoslangan bo‘lsa, endi hayotning o‘zi san’atdan ilhomlanishiga to‘g‘ri keldi.
Filmdagi meksikalik qahramon Los-Anjelesda yashab, o‘sha yerda ishlagan bo‘lsa, real hayotdagi Munyos ham AQShda istiqomat qilgan. U Amerikaning Texas shtatida tavallud topgan, keyinchalik qo‘shni shahar Syudad-Xuaresga ko‘chib o‘tgan. Syudad-Xuares Meksikada joylashgan. Santyago har kuni chegaradan o‘tib, Amerika futbol maktabiga qatnar edi.
Ha, AQSh terma jamoasiga taklif qilinganman. Jamoa vakillari bilan gaplashgandim, keyin bu masalani oilam bilan ham muhokama qildim. Bu bizga qiziq tuyuldi. Hozir o‘zim uchun hech qaysi eshiklarni yopmoqchi emasman. Meksika terma jamoasi birinchi bo‘lib taklif qildi, jamoa uchun o‘ynash menga yoqadi. Lekin hozircha qaysi milliy terma jamoada o‘ynashim haqida qaror qabul qilmadim.Hozirda futbolchi Meksika yoshlar terma jamoasida o‘ynaydi. U jamoa bilan yoshlar o‘rtasidagi 2019-yilgi JChda kumush medalni qo‘lga kiritgan (bitta gol urgan), KONKAKAF—2019 da esa g‘alaba qozongan (ushbu musobaqada 5 ta gol urdi) va 2020-yilgi Olimpiya saralashidagi g‘alaba.Santyago Munyos
Munyos 2020-yilning oktabr oyidan boshlab Meksikaning “Santos Laguna” jamoasida harakat qilib keladi va 13 o‘yinda 3+3 ochko to‘plashga muvaffaq bo‘ldi. “Nyukasl” esa fevraldan buyon Munyosning o‘yinini kuzatib kelayotganini tan oladi.
“Nyukasl” muxlislarining hafsalasi pir bo‘ldi — jamoa muvaffaqiyatsiz transfer oynasini shu tariqa oqlashga urinyapti deb hisoblashmoqda
Hazillashib aytilgan gap haqiqiy qiziqishni keltirib chiqardi. “Nyukasl” muxlislarining bu yangilikdan hafsalasi pir bo‘ldi. Ular klubning ushbu transfer oynasidagi harakatidan norozi bo‘lgan: faqatgina “Arsenal”dan Jo Uillok 25 million funt evaziga xarid qilindi.Quyida jamoa muxlislarining eng qiziqarli izohlari keltiriladi:
- “Fojiali transfer oynasini media va muxlislardan yashirish uchun qilingan PR-yurish. 2009-yilda ham jamoa nashrlar va muxlislarni aldagandi. Hech narsa o‘zgarmabdi”.
- “U bilan shunchaki hazil uchun shartnoma imzolanganiga ishongim kelmaydi”.
- “Meksikalikman. Munyos — yaxshi futbolchi, lekin uning darajasi hali APL darajasiga javob bermaydi deb hisoblayman. Avvaliga boshqa ligada tajriba oshirib, keyinchalik Angliyaga kelganda bo‘larmidi? Meksikadan to‘g‘ridan to‘g‘ri Angliyaga o‘tish — jiddiy qadam”.
“Tinchlaning, ‘Nyukasl’ muxlislari, yigitcha o‘ynay oladi. Biz U-17 jamoasi bilan Jahon Chempionatida ikkinchi o‘rinni egallaganimizda u Meksikaning eng yaxshi futbolchisi bo‘lgan, 18 yoshida Olimpiyada U-23 saralashida o‘ynagan. Ha, ism ham yordam beradi, lekin yigitcha haqiqatan ham yaxshi o‘ynaydi”.
Santyago “Nyukasl” akademiyasiga qabul qilindi. U asosiy tarkibga yoshlar jamoasidan o‘tib borishi kerak bo‘ladi. Bu ko‘proq marketing yurishiga o‘xshab qolgan bo‘lsa-da, Munyos imkoniyatga ega bo‘lishi aniq.
Hozircha ehtiyotkorlik bilan bir narsani eslatib o‘tish kerak: “Gol” filmining davomida Munyes “Real”ga o‘tadi.
Izoh (0)