Дунё ва ўзбек спортига оид 2 сентябрь кунининг муҳим хабарлари дайжести билан танишинг.
Ўзбекистон
Токио шаҳрида Паралимпия ўйинлари ўтказилмоқда. 2 сентябрь куни 9 нафар ўзбекистонлик спортчи мусобақада иштирок этди ва битта медал қўлга киритилди.
Пара-енгил атлетиканинг ядро улоқтириш баҳсларида Ҳусниддин Норбеков 16,13 метр натижа қайд этди ва Токио—2020 Паралимпия ўйинларининг олтин медалини қўлга киритди.
Шу тариқа Ўзбекистон делегация ҳисобидаги умумий медаллар сони 16 (6 та олтин, 4 та кумуш ва 6 та бронза) тага етди.Жаҳон
Криштиану Роналду терма жамоадаги голлар сони бўйича жаҳон рекордини янгилади. У Португалия терма жамоасининг ЖЧ—2022 саралаш босқичи доирасидаги Ирландияга қарши ўйинида дубль қайд этиб, Али Даининг рекордини янгилади. Шу тариқа Криштианунинг Португалия терма жамоасидаги голлари сони 111 тага етди.
Қатар амири Тамим бин Ҳамад ат-Тани Килиан Мбаппени «Реал»га сотишга рози бўлмаган, деб ёзмоқда Maxifoot L’Equipe’га таяниб. Нашрга кўра, амир 2021/22 йилги мавсумда Неймар, Лионель Месси ва Мбаппедан иборат трионинг ўйинини кўришни хоҳлаган. Шу сабаб молиявий томондан яхши таклифлар бўлганига қарамай Париж клуби Мбаппени бошқа жамоага қўйиб юбормаган.
УЕФА Евро—2020 нинг трансляциялари ҳақидаги маълумотларни эълон қилди. Турнир учрашувларининг жами томошабинлари 5,2 миллиард кишини ташкил этган.
Маълумотларга кўра, Евро—2020 финалини 328 миллион киши томоша қилган. Евро—2016 нинг ҳал қилувчи ўйинини ҳам шунча одам кузатиб борганди. Мусобақанинг ҳар бир ўйинини эса 100 миллион одам жонли эфирда томоша қилгани айтилмоқда.
АПЛда август ойининг энг яхши футболчиси ва мураббийи номига даъвогарлар эълон қилинди. Номзодлар қуйидагича кўриниш олди:
- Маркос Алонсо («Челси») — 3 та ўйин|1 та гол;
- Майл Антонио («Вест Ҳэм») — 3 та ўйин|4 та гол|3 та ассист;
- Саид Бенраҳма («Вест Ҳэм») — 3 та ўйин|2 та гол|2 та ассист;
- Эрик Дайер («Тоттенҳэм») — 3 та ўйин|ҳимоядаги ишончли ҳаракатлар;
- Демарей Грэй («Эвертон») — 3 та ўйин|2 та гол;
- Мэйсон Гринвуд («Ман Юнайтед») — 3 та ўйин|3 та гол.
- Рафаэл Бенитес («Эвертон») — 2 ғалаба|1 дуранг;
- Нуну Эшпириту Санту («Тоттенҳэм») — 3 та ғалаба;
- Дэвид Моес («Вест Ҳэм») — 2 ғалаба|1 дуранг;
- Томас Тухель («Челси») — 2 ғалаба|1 дуранг.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)